’بینجو لکڑی کا بنا ہوتا ہے جسے بجانے کے لیے کسی بھی راگ کے سُروں کا یاد ہونا بہت ضروری ہے۔

’ہر طرح کا راگ بینجو پر بجایا جا سکتا ہے۔ میں نے پہاڑی، سندھی، بلوچی اور بے شمار دھنوں کو بینجو پر بجایا۔‘

انہوں نے بتایا کہ بینجو سیکھنے میں یوں تو کافی وقت لگتا ہے لیکن شوق ہو تو تین مہینے بھی کافی ہوتے ہیں۔

ان سے پوچھا گیا کہ ماہی گیری چھوڑ کر بینجو بجانے سے گزر بسر ہو جاتی ہے تو ان کا کہنا تھا موسیقی سے لگاؤ رکھنے والوں کی تعداد کم ہی سہی لیکن ختم نہیں ہوئی۔

’لوگ تفریح کے لیے ساحل پر بنے پورٹ گرینڈ پر آتے ہیں لیکن قدرت کے نظاروں سے لطف اندوز ہونے کے ساتھ ساتھ کہیں نہ کہیں میرا یہ ساز لوگوں کی تفریح کا مزہ دوبالا کر دیتا ہے اور وہ بینجو سے نکلی ہوئی دھنوں کے سحر میں گم ہو جاتے ہیں جس کا جو دل چاہتا ہے مجھے دے جاتا ہے اور داد دینے والوں کی کمی نہیں جو میرا حوصلہ بڑھاتے ہیں۔‘