اقوام متحدہ کے سیکریٹری جنرل انتونیو گوتیریش منگل کی صبح تین روزہ دورے پر پاکستان پہنچ گئے ہیں۔
دورے کے دوران سیکریٹری جنرل اسلام آباد میں وزیراعظم محمد شہباز شریف، نائب وزیراعظم و وزیر خارجہ محمد اسحاق ڈار اور صدر آصف علی زرداری سمیت اعلیٰ حکومتی عہدیداروں سے ملاقاتیں کریں گے۔
پاکستانی دفتر خارجہ کے ایک بیان میں کہا گیا کہ وہ 6 سے 8 اکتوبر 2026 تک پاکستان میں قیام کریں گے۔
دفتر خارجہ کے مطابق اقوام متحدہ کے سیکریٹری جنرل کو نائب وزیراعظم اور وزیر خارجہ سینیٹر اسحاق ڈار نے دورہ پاکستان کی دعوت دی تھی۔
اسلام آباد آمد پر قائم مقام سیکریٹری خارجہ سفیر نبیل منیر نے انتونیو گوتریس کا استقبال کیا۔ ’انتونیو گوتیریش کے دورہ پاکستان کے دوران ہونے والی ملاقاتوں اور اہم امور سے متعلق مزید تفصیلات سامنے آنے کا امکان ہے۔‘
اقوام متحدہ کے ترجمان کی جانب سے جاری بیان کے مطابق سیکریٹری جنرل دورے کے دوران پاکستان کی امریکہ اور ایران کے درمیان سفارتی و ثالثی کوششوں پر بھی تبادلہ خیال کریں گے، جن میں دونوں ممالک کے درمیان مذاکرات کی حمایت میں پاکستان کا تعمیری کردار بھی شامل ہے۔
.@antonioguterres is departing tonight, 4 October, for a previously scheduled trip to Pakistan, where he is expected to arrive on Tuesday morning. He is expected to be back in New York on Thursday. Full note here: https://t.co/fMM4QWq8Jb
— UN Spokesperson (@UN_Spokesperson) October 5, 2026
اس سے قبل اقوام متحدہ کے سیکریٹری جنرل نے آخری بار 2022 میں پاکستان کا دورہ کیا تھا جب انہوں نے تباہ کن سیلاب سے متاثرہ علاقوں کا جائزہ لیا تھا۔
مزید پڑھ
اس سیکشن میں متعلقہ حوالہ پوائنٹس شامل ہیں (Related Nodes field)
اقوام متحدہ کے ترجمان سٹیفن دوجارک کے مطابق اس بار بھی سیکریٹری جنرل پاکستان کے قدرتی آفات سے نمٹنے کے قومی ادارے (این ڈی ایم اے) کا دورہ کریں گے، جہاں انہیں سیلاب کے بعد پاکستان کی آفات سے نمٹنے کی تیاری کے لیے ہونے والی پیش رفت کا مشاہدہ کروایا جائے گا۔
اسلام آباد میں سیکریٹری جنرل اقوام متحدہ کے ملٹری آبزرور گروپ برائے انڈیا و پاکستان (UNMOGIP) کے ہیڈکوارٹرز کا بھی دورہ کریں گے۔
