پاکستان کے نائب وزیر اعظم اور وزیر خارجہ اسحاق ڈار نے 23 اکتوبر کو استنبول میں ترکی کے وزیر خارجہ ہاکان فیدان سے ملاقات کی، جس میں سعودی عرب پر حوثی حملوں، مشرق وسطیٰ کی صورت حال اور علاقائی سلامتی پر تبادلہ خیال کیا گیا۔
پاکستان کے دفتر خارجہ کے مطابق دونوں وزرائے خارجہ نے سعودی عرب پر حوثیوں کے حملوں کی شدید مذمت کی اور علاقائی امور پر قریبی رابطہ کاری جاری رکھنے کے عزم کا اعادہ کیا۔
پاکستان، سعودی عرب اور ترکی نے سات اگست 2026 کو سعودی شہر مکہ میں مشترکہ دفاعی معاہدے پر دستخط کیے تھے جس کے تحت تینوں ممالک نے اس بات پر اتفاق کیا کہ کسی ایک رکن ملک پر مسلح حملے کو تمام رکن ممالک پر حملہ تصور کیا جائے گا۔
انڈپینڈنٹ اردو کا واٹس ایپ گروپ یہاں جوائن کریں
دفتر خارجہ کے مطابق پاکستان، ترکی، سعودی عرب اور مصر کے وزرائے خارجہ نے جمعے کو استنبول میں ہونے والے آر فور (R4) گروپ کے چھٹے اجلاس میں سعودی عرب پر حوثیوں کے حملوں کی مذمت کرتے ہوئے خطے میں پائیدار امن، سلامتی اور استحکام کے لیے سفارتی کوششیں آگے بڑھانے پر زور دیا ہے۔
Deputy Prime Minister/Foreign Minister Senator Mohammad Ishaq Dar @MIshaqDar50 held his first meeting in Istanbul today with H.E. Hakan Fidan, Foreign Minister of Türkiye. The DPM/FM thanked FM Hakan Fidan for Türkiye’s hosting of the R-4 Ministerial Meeting and the R4+ meeting with Foreign Ministers of France, Germany, Italy and the United Kingdom in Istanbul. The DPM/FM conveyed condolences over the loss of lives caused by flash floods following heavy rains in Türkiye and wished a swift recovery to those affected. The two leaders reviewed bilateral relations and exchanged views on regional developments, particularly the situation in the Middle East and Palestine. They expressed concern over threats to regional stability and underscored the importance of dialogue, diplomacy and coordinated efforts to promote regional peace and security. The two sides also strongly condemned the Houthi attacks on Saudi Arabia and reaffirmed their commitment to close coordination on regional issues, including under the Makkah Defence Agreement among Pakistan, Türkiye and Saudi Arabia. Both leaders reaffirmed their commitment to further strengthening the longstanding bonds of friendship and brotherhood between Pakistan and Türkiye, and to deepening cooperation across all areas of mutual interest, both bilaterally and in multilateral fora.
— Ministry of Foreign Affairs - Pakistan (@ForeignOfficePk) October 23, 2026
اجلاس میں پاکستان کے نائب وزیراعظم و وزیر خارجہ اسحاق ڈار، ترکی کے وزیر خارجہ ہاکان فیدان، سعودی عرب کے وزیر خارجہ شہزادہ فیصل بن فرحان آل سعود اور مصر کے وزیر خارجہ ڈاکٹر بدر عبدالعاطی نے شرکت کی۔
اجلاس کے دوران چاروں ممالک کے وزرائے خارجہ نے نیویارک میں ہونے والی اپنی گزشتہ ملاقات کے بعد خطے میں پیش آنے والی تبدیلیوں کا جائزہ لیا۔
بات چیت میں خاص طور پر مشرق وسطیٰ کی صورت حال، علاقائی سلامتی کو درپیش چیلنجز اور جاری تنازعات پر توجہ دی گئی۔
اجلاس میں شریک وزرائے خارجہ نے سعودی عرب کے ساتھ یکجہتی کا اظہار کرتے ہوئے اس کی خودمختاری اور علاقائی سالمیت کی حمایت کا اعادہ کیا۔
مزید پڑھ
اس سیکشن میں متعلقہ حوالہ پوائنٹس شامل ہیں (Related Nodes field)
چاروں ممالک نے سعودی عرب کو نشانہ بنانے والے حوثیوں کے حملوں کی مذمت کی اور ریاستوں کی خودمختاری کے احترام کی اہمیت پر زور دیا۔
اجلاس میں وزرائے خارجہ نے علاقائی سطح پر رابطہ کاری اور تعاون کو مزید مضبوط بنانے کے طریقوں پر بھی تبادلہ خیال کیا۔
انہوں نے مشرق وسطیٰ میں جاری تنازعات کے تناظر میں پائیدار امن، سلامتی اور استحکام کے فروغ کے لیے سفارتی کوششیں آگے بڑھانے کی ضرورت پر زور دیا۔
پاکستان، سعودی عرب اور ترکی کے دفاعی معاہدے کو خطے میں اجتماعی سلامتی کے اہم ترین نئے انتظامات میں سے ایک قرار دیا گیا۔
اس اتحاد نے پانچ اکتوبر کو ریاض میں اپنی سٹریٹجک، سیاسی اور دفاعی کمیٹی کے ہنگامی اجلاس کے دوران نعمان محمود کی بطور سیکریٹری جنرل تقرری کا اعلان کیا تھا۔
اس اجلاس میں تینوں ممالک نے معاہدے کے تحت طے شدہ فوجی دستوں اور دفاعی صلاحیتوں کو سعودی عرب میں فوری تعیناتی کے لیے تیار رکھنے پر بھی اتفاق کیا تھا۔
