یارک شائر کرکٹ کلب اور پاکستان سپر لیگ کی ٹیم لاہور قلندرز کے درمیان اتوار کو طے دوستانہ مگر ’تاریخی‘ میچ ملتوی کر دیا گیا ہے۔
یہ میچ دونوں ٹیموں کے درمیان نئی شراکت داری کے فروغ کے لیے کھیلا جانا تھا۔
یارکشائر کاؤنٹی کرکٹ کلب کے مطابق کاؤنٹی کرکٹ کلب کہنا ہے کہ چار روزہ دورہ جس میں دوستانہ میچ بھی شامل تھا کووڈ 19 کی وجہ سے لگنے والی پابندیوں کی وجہ سے منسوخ کیا گیا ہے۔
یہ دوستانہ میچ 16 جنوری کو لاہور کے قذافی سٹیڈیم میں کھیلا جانا تھا۔
Yorkshire County Cricket Club, together with Lahore Qalandars from the Pakistan Super League (PSL), today announces the first step on its search for undiscovered cricketing talent following the recently agreed partnership between the clubs #OneRose
— Yorkshire CCC (@YorkshireCCC) January 11, 2022
دوستانہ میچ کھیلنے کا فیصلہ اس وقت کیا گیا جب دونوں کلبز کے درمیان کھلاڑیوں کے تبادلے کا معاہدہ ہوا جس کے تحت پاکستانی فاسٹ بولر حارث رؤف نے رواں سال موسم گرما میں غیر ملکی کھلاڑی کی حیثیت سے ہیڈنگلے روانہ ہونا ہے۔
یہ معاہدہ کرسمس سے پہلے کیا گیا تھا۔
مزید پڑھ
اس سیکشن میں متعلقہ حوالہ پوائنٹس شامل ہیں (Related Nodes field)
پروگرام کے مطابق یارک شائر نے بدھ کو پاکستان پہنچنا تھا۔ کرکٹ کلب اولین انتخاب کے کھلاڑیوں کی اکثریت کے بغیر ٹیم کے ساتھ پاکستان آتا کیونکہ اس کے بہت سے کھلاڑی اس وقت دنیا میں مختلف جگہ کھیل رہے ہیں۔
گذشتہ ماہ بڑے پیمانے پر برطرفیوں کے بعد کلب کے پاس کوچنگ سٹاف یا طبی عملہ بھی نہیں ہے۔
