آن لائن ٹیکسی سروس اوبر کی نئی ہیلی کاپٹر سروس کا آغاز امریکہ کے شہر نیویارک میں ہو گیا ہے۔

منگل کو سب سے پہلی ہیلی رائڈ مین ہٹن سے اڑی اور کوئنز میں واقع جان ایف کینیڈی ایئر پورٹ پراتری۔

اوبر کے پلاٹینیم اور ڈائمنڈ صارفین کو دستیاب اس سہولت کا کرایہ 200 سے 225 ڈالرز ہوگا اور ہوائی اڈے تک رائیڈ تقریباً آٹھ منٹ کی ہو گی۔

اوبر 2023 تک ایئر سروس بھی متعارف کروانے کا خواہش مند ہے جو ہیلی کاپٹر ٹیکسی جیسی ہو گی اور اندورن شہر ہوائی سفر ممکن بنائے گی۔

اس سے صارفین کو وقت بے وقت ٹریفک میں پھنسنے سے نجات بھی ملے گی۔