ملتان کرکٹ سٹیڈیم میں رنگا رنگ تقریب اور شاندار آتش بازی سے پاکستان سپر لیگ کے آٹھویں سیزن کا آغاز ہو گیا ہے۔
یہ پہلا موقع ہے کہ پاکستان سپر لیگ کا آغاز جنوبی پنجاب کے شہر ملتان سے ہوا ہے۔
افتتاحی تقریب کے آغاز میں پاکستان کرکٹ بورڈ کے چیئرمین نجم سیٹھی نے تقریب کے ’کامیاب‘ انعقاد پر خوشی کا اظہار کیا، جس کے بعد گلوکاروں کی پرفارمنس کی باری آئی۔
سب سے پہلے گلوکار ساحر علی بگا اور آئمہ بیگ نے پرفارم کیا تو ساحر علی بگا کے گانے میں جب ’پاکستان زندہ باد‘ کے بول آئے تو ملتان سٹیڈیم پاکستان زندہ باد کے نعروں سے گونج اٹھا۔
جس کے بعد گذشتہ برس کے پی ایس ایل اینتھم کی دھن پر ڈانس پرفارمنس پیش کی گئی۔ اب باری آئی پی ایس ایل کے آٹھویں ایڈیشن کا ترانہ گانے والے گلوکاروں کی۔
شائے گل، عاصم اظہر اور میشا شفیع نے سٹیج پر آ کر پی ایس ایل 8 کا ترانہ گایا اور محفل کو چار چاند لگا دیے۔
گلوکاروں کی پرفارمنسز کے بعد سٹیڈیم اندھیرے میں ڈوب گیا اور پھر چکا چوند کر دینے والی آتش بازی کا شاندار مظاہرہ کیا گیا۔
پاکستان سپر لیگ کے آٹھویں ایڈیشن کی افتتاحی تقریب پر سوشل میڈیا پر دلچسپ تبصرے کیے جانے لگے۔
راشد قریشی نامی ٹوئٹر صارف نے ملتان سٹیڈیم میں آتش بازی سے قبل کیے گئے مکمل اندھیرے پر تبصرہ کرتے ہوئے لکھا: ’یہ پی سی بی کی کوئی بجلی کاٹ گیا ہے کیا؟‘
Yaay PCB ki koi bijlee kaat gya haay kiya?#PSL2023
— Rashid Qureshi (@rashidqureshi07) February 13, 2023
ایک اور ٹوئٹر صارف نے آتش بازی کے مظاہرے پر کہا: ’یار اتنی آتش بازی، سٹیڈیم کو آگ لگانی ہے کیا؟‘
یار اتنی آتش بازی سٹیڈیم کو آگ لگانی ہے ؟#PSL2023
— سائشہ (@Notifyme_0) February 13, 2023
عدنان خالد نے بھی آتش بازی کو ہی تبصرے کا موضوع بناتے ہوئے تحریر کیا کہ ’اتنی آتش بازی تو ملتان میں گیلانی کے وزیراعظم بننے پر نہیں ہوئی تھی۔‘
The costumes of the dancers in the #PSL2023 ceremony looks so absurd!
— Yasir (@Yasir_1492) February 13, 2023
ٹوئٹر صارف یاسر کو ڈانسرز کا لباس پسند نہیں آیا، انہوں نے لکھا: ’پی ایس ایل 2023 کی تقریب میں ڈانسرز کا لباس بہت عجیب ہے۔‘
آئی ایم ایف(IMF) پی ایس ایل کی افتتاحی تقریب دیکھنے کے بعد۔
— Saif MaliK (@SaifMal72848889) February 13, 2023
یہ تو کہتے تھے کہ ہم مر رہے ہیں.#PSL2023 #HBLPSL8 pic.twitter.com/vquwurjbnH
سیف ملک نامی ٹوئٹر صارف نے پی ایس ایل کی افتتاحی تقریب اور پاکستان کے معاشی حالات کے بارے میں آئی ایم ایف کی جانب سے مزاحیہ تبصرہ کرتے ہوئے لکھا: ’آئی ایم ایف پی ایس ایل کی افتتاحی تقریب دیکھنے کے بعد: یہ تو کہتے تھے ہم مر رہے ہیں۔‘
