انہوں نے مزید کہا کہ موجودہ حکومت نیا آرمی چیف لگانے کی اہل نہیں۔

تاہم وفاقی وزیر برائے منصوبہ بندی احسن اقبال کے مطابق نئے چیف آف آرمی سٹاف کی تقرری وقت پر، میرٹ اور قانون کے مطابق کی جائے گی۔

احسن اقبال کا کہنا ہے کہ ’سابق وزیر اعظم عمران خان کی جانب سے اس معاملے کو سیاسی رنگ دینے اور (حکومتی اداروں کے درمیان) دراڑیں پیدا کرنے کی مبینہ کوششیں انتہائی افسوس ناک اور ملک مخالف ہیں۔‘

عمران خان کی تجویز سامنے آنے کے بعد ملک کے سیاسی منظر نامے پر نئی بحث چل نکلی ہے اور بعض سیاسی ماہرین سمجھتے ہیں کہ عمران خان اپنی مرضی کے آرمی چیف کی تقرری چاہتے ہیں۔

اس صورت حال کو کارٹونسٹ ظہور آج اپنے خاکے میں کچھ یوں پیش کرتے ہیں۔