عالیہ صلاح الدین اپنے وی لاگ میں بتاتی ہیں کہ اٹلی میں ڈاکٹروں کا موقف یہی تھا کہ کرونا سے ہسپتال کے اندر نہیں جیتا جا سکتا ۔  یہ لڑائی ہسپتال سے باہر کی ہے۔

ان کا یہ بھی کہنا تھا کہ ایسا ممکن نہیں کہ زندگی معمول پر چل رہی ہو اور کرونا سے متاثرہ مریضوں کا سارا لوڈ ہسپتال برداشت کر لے۔
اٹلی میں زیادہ شرح اموات کی وجہ بوڑھے لوگوں کی تعداد کا زیادہ ہونا بھی بتائی گئی لیکن اس کی ایک اور وجہ وائرس کا تیزی سے پھیلنا بھی تھا۔
عالیہ صلاح الدین کے مطابق ڈاکٹروں کا موقف تھا کہ ہمیں کرونا کے سونامی میں ننگے ہاتھوں بھیج دیا ہے اور ہم لڑنے کے لیے مجبور ہیں۔