عبدالرحیم پشتون یوں تو کافی عرصے سے ٹک ٹاک پر ویڈیوز بنا رہے تھے لیکن ان کی ویڈیوز وائرل تب ہوئیں جب انہوں نے گنگنا کر سبزی بیچنا شروع کی۔
عبدالرحیم کی عمر 22 سال ہے اور وہ اٹک کے سول بازار میں سبزی بیچتے ہیں۔
مزید پڑھ
اس سیکشن میں متعلقہ حوالہ پوائنٹس شامل ہیں (Related Nodes field)
عبدالرحیم کوپچپن سے ہی گانے میں دلچسپی تھی۔ پھر یوں ہوا کہ ٹک ٹاک پر مشہوری کے شوق میں انہوں نے کئی وڈیوز تو اپ لوڈ کیں لیکن کوئی خاطر خواہ کامیابی نہ ہوئی۔
پھر ایک دن انہوں نے سر عام بازار میں ریڑھی پر سبزی انڈین پاکستانی اور یہاں تک کہ انگلش گانوں کے بھی سر لگا کر بیچنی شروع کر دی۔
اس کے بعد ان کی ویڈیوز وائرل ہونا شروع ہوئیں اور ان کے ٹک ٹاک اکاؤنٹ میں اس رپورٹ کے فائل کرنے تک تقریبا 15 لاکھ لائکس آ چکے ہیں۔
عبدالرحیم نے انڈپینڈنٹ اردو کو بتایا کہ شام تک ان کی سب سبزی بک جاتی ہے اور گاہک ان سے گنگنانے کے انداز میں سبزی بیچنے کی خواہش بھی کرتے ہیں۔
انہوں نے یہ بھی کہا جب بھی وہ سبزی کی ریڑھی لے کر گلی محلوں میں جاتے ہیں تو بچے پہچان کر ان کی ویڈیوز میں گنگنائے ہوئے گانے گانا شروع کر دیتے ہیں۔
