گوئٹےبورگ فلم فیسٹول کی خاصیت ہے اس میں حاضرین محفل پر سوشل تجربات معمول کی بات ہیں، اور 2022 ایڈیشن بھی کچھ خاص مختلف نہیں ہوگا۔
اس سال کے ایونٹ کے لیے، فیسٹیول میں ہر فلم کے ’موڈ اور تھیم کے مطابق سامعین کی ذہنی حالت کو تبدیل کرنے‘ کے لیے بڑے پیمانے پر ہیپناٹائزکرنے کا تجربہ کیا جائے گا۔
2022 کے میلے میں نمائش کے لیے پیش کی جانے والی فلموں میں تھائی فلم میکر اپیچتا پونگ ویرستاکُل کی میموریا جس میں ٹلڈا سونٹن کی اداکاری ہے اور کرسچن تف درپُ کی نفسیاتی تھرلر اسپیک نو ایول شامل ہیں۔
گوئٹےبورگ کے آرٹسٹک ڈائریکٹر جوناس ہومبرگ نے کہا کہ اس تجربے کا مقصد ’جھکنے، سرکشی اور کنٹرول کے بارے میں سوالات اٹھانا‘ ہے۔
گوئٹےبورگ کے ہپنوٹک سنیما کے ٹریلر میں، ممکنہ شرکا سے پوچھا جاتا ہے: ’کیا آپ ہمت کرسکتے ہیں کہ کنٹرول چھوڑ دیں؟’ اور یہ تجربہ، اس دوران، ’ذہن دنگ‘ کردینے کے طور پر بیان کیا گیا ہے۔
مزید پڑھ
اس سیکشن میں متعلقہ حوالہ پوائنٹس شامل ہیں (Related Nodes field)
پچھلے سالوں میں، گوئٹےبورگ کے سامعین کو کلسٹروفوبیا کی حدود کو جانچنے کے لیے تابوتوں میں بند کر دیا گیا تھا، جب کہ سماجی تنہائی کے تصور کو ایک نئی سطح پر لے جایا گیا جب ایک ناظر بحیرہ شمالی کے ایک جزیرے پر ایک ہفتے کے لیے پھنسا رہا۔
منتخب فلم کے شائقین نے سات دن مکمل تنہائی میں جزیرے Hamneskär پر گزارے، پیٹر نوسٹر میں سوئے، جو ایک سابقہ لائٹ ہاؤس ہے جسے پرتعیش رہائش اور ایک سنیما میں تبدیل کر دیا گیا ہے۔
مہمان کو جزیرے پر کمپیوٹر، فون یا کتاب بھی لانے کی اجازت نہیں تھی۔ ہومبرگ نے اس وقت کہا: ’آپ لہروں کو دیکھ سکتے ہیں اور آپ فلمیں دیکھ سکتے ہیں۔‘
گوئٹےبورگ 28 جنوری 2022 کو شروع ہوگا اور اس میں 80 ممالک کی 200 سے زیادہ فلمیں دکھائی جائیں گی۔
© The Independent
