’بے بی شارک ڈانس‘ میوزک ویڈیو 10 ارب ویوز تک پہنچنے والی یوٹیوب کی پہلی ویڈیو بن گئی۔
یہ ریکارڈ جمعرات کو بنا جب اس ویڈیو کو دیکھنے والوں کی تعداد 10 ارب 28 لاکھ 58 ہزار93 تک پہنچی۔
اس ویڈیو نے نومبر 2020 میں یوٹیوب پر سب سے زیادہ دیکھی جانے والی ویڈیو کے طور پر گنیز ورلڈ ریکارڈ قائم کیا تھا، جب اسے سات ارب ویوز ملے تھے۔
2019 میں یہ ویڈیو بل بورڈ کے ہاٹ100 میں سے32ویں نمبر اور برطانوی آفیشل چارٹس میں چھٹے نمبر پر تھی۔
اس سے پہلے یہ ریکارڈ لوئس فونسی اور ڈیڈی یانکی کی ’ڈیسپیسیٹو‘ گانے کی ویڈیو کا تھا۔ اس ویڈیو کو 2017 میں اپ لوڈ کیا گیا تھا اور تادم تحریر اس کے سات ارب 70 کروڑ 18 لاکھ 10 ہزار326ویوز تھے۔
لیکن بے بی شارک ڈانس اس ویڈیو سے دو ارب سے زیادہ ویوز کے ساتھ آگے ہے۔
یہ گذشتہ 15 ماہ سے یوٹیوب پر سب سے زیادہ دیکھی جانے والی ویڈیو ہے، جسے جنوبی کوریا کی کمپنی سمارٹ سٹڈی کے بچوں کے تعلیمی برانڈ پنک فونگ نے تیار کیا۔
انہوں نے اب تک بچوں کی چار ہزار سے زائد ویڈیوز، گانے، گیمز اور ایپس تیار کی ہیں۔
مزید پڑھ
اس سیکشن میں متعلقہ حوالہ پوائنٹس شامل ہیں (Related Nodes field)
اسے پہلی بار نومبر2015 میں جاری کیا گیا تھا اور جنوب مشرقی ایشیا میں وائرل ہوئی تھی۔ اس کے بعد اس رقص نے نکلوڈین، لائیو ٹورز اور این ایف ٹیز پر ایک متحرک ٹی وی سیریز تیار کی ہے۔
اس کی مقبولیت میں اضافہ 'بے بی شارک چیلنج' کے ذریعے ہوا جس میں لوگ رقص کی اداؤں کو پرفارم کرتے ہوئے اپنی ویڈیو ریکارڈ کرتے تھے۔
2018 میں babysharkchallenge# کے ساتھ انسٹاگرام پر88 ہزار پوسٹس کی گئیں۔
پنک فونگ کے چیف ایگزیکٹیو من سیوک کم نے کہا کہ یہ واقعی ایک معنی خیز سفر رہا ہے کہ کس طرح بے بی شارک نے دنیا بھر کے لوگوں کو جوڑا اور ہم بے بی شارک کے مستقبل کے منصوبے متعارف کرانے کا انتظار بالکل نہیں کر سکتے جو ہر جگہ مزید مداحوں کے لیے بے مثال تجربات لائیں گے۔
© The Independent
