سافٹ ویئر اور ٹیکنالوجی کمپنی کے شریک بانی بل گیٹس، سوشل میڈیا پلیٹ فارم فیس بک کے شریک بانی مارک زکربرگ، گلوکارہ ریحانہ، سابق امریکی صدر ڈونلڈ ٹرمپ کی بیٹی ایوانکا ٹرمپ اور ڈزنی کے سربراہ باب ایگر دنیا کی ان امیر ترین شخصیات میں شامل ہیں جن کی ایشیا کے امیر ترین شخص مکیش امبانی کے سب سے چھوٹے بیٹے کی شادی سے قبل ہونے والی ایک تقریب میں شرکت متوقع ہے۔
ریاست گجرات کے شہر جام نگر میں یکم مارچ سے شروع ہونے والی تین روزہ تقریبات کو بڑے پیمانے پر شادی کی تقریبات کے لیے سٹیج کی تیاری کے طور پر دیکھا جا رہا ہے۔
رادھیکا کا تعلق ایک ایسے خاندان کے ساتھ ہے جو ادویہ سازی کی صنعت سے وابستہ ہے۔
شادی کی یہ تقریب رواں سال شادی کی دنیا کی سب سے بڑی تقریبات میں سے ایک ہونے کی توقع کی جا رہی ہے۔
امبانی خاندان نے مہمانوں کے لیے تین روزہ تقریبات کا اہتمام کیا ہے جس میں مہمان 65 باورچیوں کی ٹیم کے تیارکردہ 2500 سے زیادہ پکوانوں سے لطف اندوز ہوں گے۔
مزید پڑھ
اس سیکشن میں متعلقہ حوالہ پوائنٹس شامل ہیں (Related Nodes field)
شادی کی تقریب میں انڈیا کی نامور شخصیات شاہ رخ خان، ایشوریا رائے بچن، امیتابھ بچن، رجنی کانت، سلمان خان، دپیکا پڈوکون، رنبیر کپور، رنویر سنگھ، سچن تندلکر اور عالیہ بھٹ کی شرکت متوقع ہے۔
دولہے کی فطرت سے محبت کی بدولت شادی سے پہلے کے تقریب میں جنگلی حیات کی تھیم نمایاں ہو گی۔
دعوت نامے میں کہا گیا کہ ’اننت نے اس کمپلیکس کو پیار کے ساتھ ریسکیو کیے گئے ہزاروں جانوروں کی دیکھ بھال اور ان سے لگاؤ کا مقام بنا دیا ہے۔‘
© The Independent
