دبئی میں ہونے والے کراٹے کامبیٹ 45 مقابلوں میں ہفتے کی شب پاکستان نے انڈیا کو 1۔2 سے شکست دے دی۔
شاہ زیب رند نے انڈیا کے رانا سنگھ کو شکست دے کر فتح اپنے نام کی۔
کراٹے کامبیٹ پروفیشنل مارشل آرٹس لیگ ہے جس میں پوری زوردار کراٹے کے مقابلے ہوتے ہیں۔
کراٹے کامبیٹ دنیا بھر میں مقابلوں کی میزبانی کرتی ہے جس میں مختلف وزن کے اور ممالک سے تعلق رکھنے والے مارشل آرٹس فائٹرز کے درمیان مقابلہ ہوتا ہے۔
پاکستان کے رضوان علی اور انڈیا کے ہمانشو کوشک نے بالترتیب میچ کا پہلا اور دوسرا مقابلہ جیتا جس کے بعد دونوں ممالک کے درمیان مقابلے کا فیصلہ فائنل راؤنڈ میں ہوا۔
کراٹے کامبیٹ نے سوشل میڈیا پلیٹ فارم ایکس پر لکھا کہ ’شاہ زیب رند رِنگ میں ناقابل تسخیر ہے۔ پاکستان نے اس فتح کے ساتھ انڈیا کو 1۔2 سے شکست دی۔
مقابلے کا آغاز علی بمقابلہ پون گپتا سے ہوا جن کا تعلق انڈیا سے ہے۔ یہ مقابلہ یکطرفہ رہا جس میں علی نے گپتا کو جلد ہی آؤٹ کر دیا اور میچ کا اختتام پاکستان کے حق میں ہوا۔
اس کے بعد انڈیا نے پاکستان کے فیضان خان کے ساتھ دوسرا مقابلہ 1-1 برابر کر دیا۔ رند نے پاکستان کو دو۔ایک سے فتح دلائی۔
مزید پڑھ
اس سیکشن میں متعلقہ حوالہ پوائنٹس شامل ہیں (Related Nodes field)
انڈیا کے خلاف جیتنے کے بعد شاہ زیب کو پاکستان اور انڈیا کے پرچم اٹھائے دیکھا گیا۔
مقابلے کے بعد میزبان نے شاہ زیب سے کہا: ’آپ ناقابل شکست دکھائی دے رہے ہیں اور آپ نے اس وقت دو پرچم اٹھا رکھے ہیں۔ کیا آپ اس کی وضاحت کریں گے۔‘
اس پر شاہ زیب نے کہا کہ ’ایک پاکستان کا پرچم ہے اور دوسرا انڈیا کا۔ یہ مقابلہ امن کے لیے تھا، ہم دشمن نہیں ہیں ہم ایک ساتھ ہیں۔‘
انہوں نے مزید کہا کہ ’ایک ساتھ ہم کچھ بھی کر سکتے ہیں۔ سیاست اور دوسری چیزیں ہمیں الگ کر رہی ہیں، لہذا ہمیں ایک ساتھ رہنا ہوگا۔ پاکستان اور انڈیا کا یہ مقابلہ صرف دوستی کے لیے ہے۔‘
Pakistani fighter Shahzaib Rind carries Pakistani and Indian flags, calls for peace b/w both countries
— Farid Khan (@_FaridKhan) April 21, 2024
He defeated Indian opponent and called him his brother. Bollywood superstar Salman Khan was also present there, he thanked him too @BeingSalmanKhan @RindhShahzaib pic.twitter.com/9nfpPyU0Ch
اس پر میزبان نے مسکراتے ہوئے شاہ زیب سے کہا کہ ایسا تو آپ نے پریس کانفرنس میں نہیں کہا تھا۔
جمعے کو میچ سے قبل پریس کانفرنس کے دوران رند نے سنگھ کو تھپڑ رسید کر دیا تھا تاہم ٹیموں کے ارکان نے بیچ بچاؤ کروا دیا۔ اس جھگڑے کی ویڈیو سوشل میڈیا پر وائرل ہوگئی تھی۔
اس مقابلے کو دیکھنے کے لیے بالی وڈ سٹار سلمان خان بھی موجود تھے۔ شاہ زیب نے ان کی موجودگی کا فائدہ اٹھاتے ہوئے ان کا مخاطب کر کے کہا: ’سلمان خان کا آنے پر شکریہ، وہ میرے سپر سٹار ہیں۔ میں بچپن سے آپ کی فلمیں دیکھ رہا ہوں۔ آپ کے سامنے فائٹ کر کے خوشی ہوئی، آپ کے آنے کا شکریہ۔‘
