بالی وڈ اداکارہ دپیکا پاڈوکون نے اپنے ہاں پہلی اولاد کی پیدائش کا اعلان کیا ہے۔
دپیکا پاڈوکون نے اتوار کو انسٹاگرام پر اپنی بیٹی کی پیدائش کا اعلان کرتے ہوئے لکھا ’ویلکم بے بی گرل۔‘
ان کی اس پوسٹ میں انہوں نے آج کی تاریخ یعنی آٹھ ستمبر 2024 کے علاوہ اپنا اور اپنے شوہر بالی وڈ اداکار رنویر سنگھ کا نام لکھا۔
ان کی اس پوسٹ میں اداکار رنویر سنگھ کو ٹیگ بھی کیا گیا تھا۔
دیپکا کے اس اعلان کے بعد کئی بالی وڈ ستاروں نے ان کی بیٹی کی پیدائش پر مبارک باد کے پیغام دیتے ہوئے ان کے لیے نیک خواہشات کا اظہار کیا۔
مزید پڑھ
اس سیکشن میں متعلقہ حوالہ پوائنٹس شامل ہیں (Related Nodes field)
اداکارہ شردھا کپور نے ان کی پوسٹ پر لکھا ’مبارک باد۔‘
بالی وڈ اداکارہ عالیہ بھٹ نے بھی دل، جشن اور خوشی کے آنسو والی ایموجیز کا استعمال کرتے ہوئے کمنٹ پوسٹ کیا۔
جبکہ پریانکا چوپڑا نے بھی ان کے لیے مبارک باد کا پیغام لکھا۔
بالی وڈ اداکار ارجن کپور نے ان کی پوسٹ پر لکھا ’لکشمی آئی ہے، ملکہ یہاں پہنچ چکی ہیں۔‘
ان اداکاروں کے علاوہ کرکٹر راشد خان، اداکارہ کیرتی سینن، ملائکہ اروڑو، پرینیتی چوپڑا کے علاوہ دیگر شخصیات نے بھی دپیکا پاڈوکون اور رنویر سنگھ کے لیے مبارک باد کے پیغامات پوسٹ کیے ہیں۔
