اکثر لوگوں کا خیال ہے کہ بلوچستان ایک تنگ نظر اور قدامت پسند معاشرہ ہے، جہاں لڑکیوں کو ویسے مواقع نہیں ملتے جیسے مردوں کو ملتے ہیں، لیکن جلیلہ حیدر اس سے اختلاف کرتی ہیں۔

وہ ہزارہ قبیلے کی پہلی خاتون وکیل ہیں، جن کے بعد اس قبیلے کی بہت سی لڑکیوں نے اس شعبے میں قدم رکھا۔ اس کے علاوہ بلوچ اور پشتون قبائل کی بھی بہت سی لڑکیاں اس فیلڈ میں ہیں۔

جلیلہ کا کہنا ہے: ’میں یہ دعوے سے کہہ سکتی ہوں کہ بلوچستان بار کونسل، دوسری بار کونسلز کی نسبت خواتین کے لیے کام کر رہی ہے اور انہیں برابری کے مواقع دے رہی ہے۔‘

بقول جلیلہ اپنے آٹھ سالہ کیریئر میں انہوں نے کبھی یہ نہیں سنا کہ کسی خاتون کو جنسی ہراسانی کا سامنا کرنا پڑا ہو۔

اس خصوصی وی لاگ میں انہوں نے یہی سب کچھ دکھانے کی کوشش کی ہے کہ عدالت میں خواتین وکلا کے ساتھ لوگوں کا رویہ کیسا ہے۔