جیو نیوز کے پروگرام میں سلیم صافی کے ساتھ گفتگو کرتے ہوئے نو مئی کے حوالے سے وزیر اعظم شہباز شریف کا کہنا تھا کہ ’قبیح سازش کی گئی کہ پاکستان کی فوج کا تختہ الٹ دیں۔ پاکستان میں انارکی ہو جائے اور سول وار ہو جائے۔‘
اتوار کو سلیم صافی سے دوران گفتگو انہوں نے مزید کہا کہ ’میں سو فیصد ریلائے ایبل انفارمیشن کی بنیاد پر بات کر رہا ہوں۔‘
ان کا مزید کہنا تھا کہ ’نو مئی پاکستان، جنرل عاصم منیر اور افواج کے خلاف سازش تھی۔ عمران نیازی ان کا سرغنہ تھا اور ان کے حواریوں میں خواتین اور مرد دونوں شامل تھے۔‘
سلیم صافی کے ایک سوال کا جواب دیتے ہوئے وزیر اعظم پاکستان نے کہا کہ نو مئی کے واقعے پر ’اگر مجھے انتقام لینا ہوتا تو میں کئی طریقے استعمال کر سکتا تھا۔‘
مزید پڑھ
اس سیکشن میں متعلقہ حوالہ پوائنٹس شامل ہیں (Related Nodes field)
نواز شریف کی واپسی کے حوالے سے شہباز شریف نے کہا کہ وہ جلد پاکستان واپس آئیں گے۔
شہباز شریف کا یہ بھی دعویٰ تھا کہ ’پندرہ ماہ میں موجودہ حکومت کا کرپشن کا ایک کیس سامنے نہیں آیا۔‘
انہوں نے کہا کہ رواں ماہ کاٹن کی ریکارڈ پیداوار ہونے جا رہی ہے۔
پاکستان کی معیشت کے حوالے سے شہباز شریف نے کہا کہ ’ہم ایک مربوط معاشی پروگرام قوم کے حوالے کر رہے ہیں جس پر تفصیل سے کام ہو رہا ہے۔‘
