امریکی پراسیکیوٹرز کے مطابق انڈین کمپنی اڈانی گروپ کے ارب پتی سربراہ اور دنیا کے امیر ترین افراد میں سے ایک گوتم اڈانی پر نیویارک میں 26 کروڑ 50 لاکھ ڈالر کی رشوت ستانی سکیم میں ملوث ہونے کے الزام میں فرد جرم عائد کی گئی ہے۔
روئٹرز کے مطابق امریکی حکام کا کہنا ہے کہ اڈانی اور ان کے بھتیجے ساگر اڈانی سمیت سات دیگر مدعا علیہان نے 20 سال میں دو ارب ڈالر کے منافع اور انڈیا کے سب سے بڑے سولر پاور پلانٹ منصوبے کی تعمیر کے ٹھیکے حاصل کرنے کے لیے انڈین حکومت کے عہدیداروں کو رشوت دینے پر رضامندی ظاہر کی تھی۔
عدالت کے ریکارڈ سے پتا چلتا ہے کہ ایک جج نے گوتم اڈانی اور ساگر اڈانی کے وارنٹ گرفتاری جاری کیے ہیں اور استغاثہ ان وارنٹوں کو غیر ملکی قانون نافذ کرنے والے اداروں کو سونپنے کا ارادہ رکھتا ہے۔
استغاثہ نے یہ بھی کہا کہ اڈانی اور اڈانی گرین انرجی اے ڈی این اے کے ایک اور ایگزیکٹو این ایس کے سابق سی ای او ونیت جین نے قرض دہندگان اور سرمایہ کاروں سے اپنی کرپشن چھپا کر تین ارب ڈالر سے زائد کے قرضے اور بانڈز جمع کیے۔
مزید پڑھ
اس سیکشن میں متعلقہ حوالہ پوائنٹس شامل ہیں (Related Nodes field)
گوتم اڈانی، ساگر اڈانی اور جین پر سکیوریٹیز فراڈ، سکیوریٹیز فراڈ سازش اور وائر فراڈ سازش کے الزامات عائد کیے گئے تھے اور اڈانی خاندان پر امریکی سکیوریٹیز اینڈ ایکسچینج کمیشن کے دیوانی کیس میں بھی فرد جرم عائد کی گئی تھی۔
فرد جرم کے مطابق، کچھ سازشیوں نے نجی طور پر گوتم اڈانی کو ’نمبر ون‘ اور ’بگ مین‘ کے کوڈ ناموں کے ساتھ حوالہ دیا، جبکہ ساگر اڈانی نے مبینہ طور پر رشوت کے بارے میں تفصیلات کو ٹریک کرنے کے لیے اپنا سیل فون استعمال کیا۔
اڈانی گروپ نے تبصرے کی درخواستوں کا جواب نہیں دیا ہے۔
پانچ دیگر مدعا علیہان پر امریکہ کے انسداد رشوت ستانی کے قانون فارن کرپشن پریکٹسز ایکٹ کی خلاف ورزی کی سازش کرنے کا الزام عائد کیا گیا تھا جبکہ چار پر انصاف میں رکاوٹ ڈالنے کی سازش کرنے کا الزام عائد کیا گیا تھا۔
بروکلن میں امریکی اٹارنی بریون پیس کے ایک ترجمان نے کہا کہ کوئی بھی مدعا علیہ حراست میں نہیں ہے۔ خیال کیا جاتا ہے کہ گوتم اڈانی انڈیا میں ہیں۔
فوربز میگزین کے مطابق 62 سالہ گوتم اڈانی کی دولت 69.8 ارب ڈالر ہے۔ وہ ان چند ارب پتی افراد میں سے ایک ہیں جن پر امریکہ میں باضابطہ طور پر مجرمانہ غلط کاموں کا الزام عائد کیا گیا ہے۔
