ایشین روڈ سائیکلنگ چیمپیئن شپ 2025 میں پاکستان کی رابعہ غریب نے طلائی تمغہ جیتا ہے جبکہ پاکستان کی ہی زینب رضوان نے کانسی کا تمغہ حاصل کیا ہے۔
پاکستان سائیکلنگ فیڈریشن کی جانب سے جاری کیے جانے والے بیان کے مطابق پاکستانی سائیکلسٹ تھائی لینڈ میں ایشین روڈ سائیکلنگ چیمپئن شپ 2025 میں شرکت کی ہے اور متعدد تمغے حاصل کیے ہیں۔
مزید پڑھ
اس سیکشن میں متعلقہ حوالہ پوائنٹس شامل ہیں (Related Nodes field)
بیان میں کہا گیا ہے کہ سوئی سدرن گیس کمپنی کی رابعہ غریب نے خواتین کی ماسٹر روڈ ریس میں گولڈ میڈل جیتا ہے اور وہ اس کیٹگری میں ٹاپ پوزیشن حاصل کرنے والی پہلی پاکستانی خاتون بن گئی ہیں۔
بائیکستان سائیکلنگ اکیڈمی کراچی کی نمائندگی کرنے والی زینب رضوان نے بھی اسی ٹورنامنٹ میں شاندار کارکردگی کا مظاہرہ کرتے ہوئے کانسی کا تمغہ اپنے نام کیا۔
اس سے بعد پاکستانی سائیکلسٹ علی الیاس نے انفرادی ٹائم ٹرائل میں طلائی تمغہ جیتا اور وہ مردوں کی کیٹیگری میں حاوی رہے۔ اس طرح جس سے پاکستان کے مجموعی تمغوں کی تعداد پانچ ہوگئی۔
ایشین روڈ سائیکلنگ چیمپیئن شپ 2025 میں پاکستان کے تمغے:
- مردوں کی آئی ٹی ٹی کیٹیگری میں گولڈ - علی الیاس
- خواتین کی ماسٹر روڈ ریس میں گولڈ - رابعہ غریب
- خواتین کی آئی ٹی ٹی کیٹیگری میں چاندی - رابعہ غریب
- خواتین کی آئی ٹی ٹی کیٹیگری میں کانسی - زینب رضوان
- خواتین کی روڈ ریس میں کانسی - زینب رضوان
اس کامیابی پر بات کرتے ہوئے، پاکستان سائیکلنگ فیڈریشن کے صدر سید اظہر علی شاہ نے کہا کہ ’یہ پاکستان کے لیے قابل فخر لمحہ ہے۔ ہمارے سائیکل سواروں نے غیر معمولی صلاحیتوں اور لگن کا مظاہرہ کیا ہے۔ مسلسل تعاون اور وسائل کے ساتھ، پاکستان ایشین سائیکلنگ میں ایک مضبوط قوت بن سکتا ہے۔‘
ان کا کہنا تھا کہ یہ کامیابیاں ملک بھر کے سائیکل سواروں کے لیے ایک تحریک کا کام کرتی ہیں، جس سے ثابت ہوتا ہے کہ عزم اور مناسب تربیت کے ساتھ، پاکستان بین الاقوامی سائیکلنگ میں اعلیٰ سطح پر مقابلہ کر سکتا ہے۔
