دنیا بھر میں کرسمس کے موقعے پر مسیحی برادری مختلف انداز سے کرسمس ٹری سجاتی ہے، لیکن روس کے سرد ترین خطے سائبیریا میں تین افراد نے اس دن کا انوکھے انداز سے منایا۔

ان افراد نے ایک منجمد جھیل پر سے برف کی بھاری پرت ہٹا کر زیر آب کرسمس ٹری نصب کیا۔

منفی درجہ حرارت کے باوجود یہ افراد سوئمنگ سوٹ کے بغیر ہی برفیلی جھیل میں کود گئے، جھیل کی گہرائی میں درخت لگایا اور خوب رقص بھی کیا۔

ان کا اس موقع پر کہنا تھا کہ جھیل میں موجود گندگی کے باعث انہیں درخت کو نصب کرنے کے لیے دو بار کوشش کرنا پڑی۔