افغانستان نے پہلی مرتبہ کسی بین الاقوامی کرکٹ میچ میں پاکستان کو شکست دی ہے، جس کے بعد سے کرکٹ شائقین میں حیرانی کی لہر دوڑ گئی اور انہوں نے سوشل میڈیا پر مختلف انداز سے اس کا اظہار بھی کیا۔
شارجہ میں جمعے کی شب کھیلے گئے تین ٹوئنٹی میچوں کی سیریز کے پہلے میچ میں افغانستان نے پاکستان کو چھ وکٹوں سے شکست دے دی۔
پہلے بلے بازی کرتے ہوئے پاکستان ٹیم نے ٹی ٹوئنٹی میں اپنا پانچواں کم ترین سکور 92 بنایا جو افغانستان نے چار وکٹوں کے نقصان پر پور ا کر دیا۔
پاکستان کی جانب سے عماد وسیم 18 رنز کے ساتھ ٹاپ سکور بنانے والے رہے۔
پاکستان ٹیم کی جانب سے سات بلے باز 100 سے زائد رنز تک نہ سکور کر سکے۔
پاکستان ٹیم کی جانب سے نمایاں کارکردگی احسان اللہ کی رہی جنہوں نے اپنے پہلے ہی انٹرنیشنل میچ کے پہلے اوور کی پہلی گیند پر وکٹ حاصل کی۔ وہ پورے اوور میں دو کٹیں لینے میں کامیاب ہوئے۔
پاکستان کرکٹ سلیکشن کمیٹی نے سینیئر کھلاڑیوں کو آرام دے کر پاکستان سپر لیگ میں عمدہ کھیل دکھانے والوں کو افغانستان کے خلاف سیریز میں شامل کیا تھا۔
اس ٹیم میں شاہین آفریدی، بابر اعظم، محمد رضوان، حارث رؤف کو بھی شامل نہیں کیا گیا۔
افغانستان کے خلاف کھیلنے والی یہ ٹیم پاکستان کی سب سے کم عمر ترین کھلاڑیوں پر مشتمل ہے جس کی اوسط عمر 24 سال بنتی ہے۔
اس شکست کے بعد سوشل میڈیا پر تنقید کے ساتھ دلچسپ تبصرے ہو ہے ہیں۔
احتشام ریاض نے اپنی ٹویٹ میں لکھا کہ اب لوگوں کو سمجھ آ رہا ہے کہ بابر اور رضوان ’دھیرے آغاز‘ کیوں کرتے ہیں۔
Dheere Dheere Kuch logon ko samjh arha Babar-Riz slow start kyun krty thy...
— Ahtasham Riaz (@AhtashamRiaz_) March 24, 2023
Hence proved PCT is nothing without BABAR & RIZWAN #PakvsAfg pic.twitter.com/xhEgrSij12
آیت نامی ٹوئٹر صارف نے صائم ایوب اور حارث کی تصویر لگا کر لکھا کہ، ’کیا ہمیں بابر اور رضوان کے متبادل مل گئے؟‘
No offense but!!!
— Ayat (@ayat_shah56) March 24, 2023
Have we found perfect replacement for Babar and Rizwan???#PakvsAfg #SaimAyub #Haris pic.twitter.com/JzlwrCtHV0
احتشام صدیق نے لکھا: ’اس میں سرپرائز نہیں کیوں کہ ہمیں معلوم تھا کہ یہ ہوگا۔‘
Not a surprise for us. We were aware this collapse will happen.#PakvsAfg pic.twitter.com/pN6KmcOERI
— Ehtisham Siddique (@iMShami_) March 24, 2023
ایک ٹوئٹر صارف نے تو انڈین فلم ’پٹھان‘ کا ایک سین پوسٹ کر دیا جس میں ڈائیلاگ ہے کہ: ’دیش کا سوال ہے بچوں پر نہیں چھوڑ سکتے۔‘
Babar and rizwan be like today: #PakvsAfg #cricket pic.twitter.com/Bkjc9XxISJ
— FACToruis (@wbbs98npfm) March 24, 2023