وسکونسن کے ایک نجی سکول میں پیر کی صبح ہنگامہ آرائی کے بعد ایک معلمہ اور ایک نوعمر طالب علم جان سے گئے، اس کے ساتھ ہی ایک اور طالبہ بھی مردہ پائی گئی جسے فائرنگ کرنے کی ذمہ دار کے طور پر شناخت کیا گیا۔
ابتدائی طور پر کل پانچ مرنے والوں کا اعلان کرنے کے بعد پولیس نے تعداد کو گھٹا دیا۔ میڈیسن پولیس کے مطابق، چھ دیگر زخمی ہوئے اور انہیں علاقے کے ہسپتالوں میں لے جایا گیا۔
قانون نافذ کرنے والے ایک ذریعے نے ایسوسی ایٹڈ پریس کو بتایا کہ گولی چلانے والی 17 سالہ طالبہ تھی۔
میڈیسن پولیس سمجھتی ہے کہ فائرنگ کا واقعہ ایبنڈنٹ لائف کرسچن سکول میں صبح 11 بجے کے قریب پیش آیا۔
پیر کی شام تک، دو متاثرین کی حالت تشویش ناک تھی، اور ان میں سے دو، جنہیں جان لیوا زخم نہیں آئے تھے کو بعد میں ہسپتال سے فارغ کر دیا گیا۔
واقعے کے دوران قریبی ہائی سکول، ایک مڈل سکول اور ایک ایلیمنٹری سکول کو بند کردیا گیا تھا۔
دوپہر کے آغاز میں کی جانے والی ایک پریس کانفرنس میں پولیس چیف شون بارنس نے اسے ’افسوسناک، افسوسناک دن‘ قرار دیا۔
انہوں نے دن کے آخر میں دوسری پریس کانفرنس میں کہا کہ ’مجھے لگتا ہے کہ ہم سب اس بات پر متفق ہوسکتے ہیں کہ اب بہت ہو چکا ہے۔‘
بارنس کے مطابق افسروں نے صبح 11 بجے سے کچھ دیر پہلے (پولیس) ان اطلاعات پر حرکت میں آئی جس میں بتایا گیا تھا کہ ابینڈنٹ لائف میں ایک فعال شوٹر کی اطلاعات ہیں۔
انہوں نے کہا کہ محکمے نے آخری بار صرف دو ہفتے قبل اس طرح کے منظر نامے کے لیے تربیت دی تھی۔
انہوں نے نامہ نگاروں کو بتایا کہ ’میں ہر ایک سے اپنی دلی خواہشات اور دعائیں اور خیالات ایک بار پھر کمیونٹی کو بھیجنے کے لیے کہہ رہا ہوں – لیکن اس بار یہ میری کمیونٹی ہے۔‘
بارنس نے کہا کہ شوٹر ایک نوعمر تھی، لیکن انہوں نے اس کا نام، عمر یا جنس بتانے سے انکار کر دیا۔
انہوں نے کہا کہ فائرنگ کے مقام سے ایک پستول برآمد ہوئی ہے۔
پولیس کو یہ معلوم نہیں ہے کہ فائرنگ کا کوئی خاص ہدف یا مقصد تھا۔
بارنس نے پیر کی شام نامہ نگاروں کو بتایا کہ ’چاہے انہیں نشانہ بنایا گیا ہو یا نہیں، وہ محرک سے بات کریں گے اور ہم ابھی تک اس کا جواب نہیں جانتے ہیں۔‘
مزید پڑھ
اس سیکشن میں متعلقہ حوالہ پوائنٹس شامل ہیں (Related Nodes field)
میئر ستیا روڈس-کونوے نے کہا کہ ’اب توجہ متاثرین اور ان کے خاندانوں کی مدد پر ہے۔‘ ڈین کاؤنٹی کی ایگزیکٹو میلیسا اگارڈ نے آج کے تشدد کو ’ناقابل قبول‘ قرار دیا ہے۔
ایسا لگتا ہے کہ فائرنگ کرنے والا حملہ کے وقت داخل ہونے کی بجائے فائرنگ کی صبح سے ہی سکول میں موجود تھا۔
بارنس نے کہا کہ ’ہمیں یقین ہے کہ شوٹر سکول میں تھا، ہمیں کوئی اطلاع نہیں ہے کہ سکول میں کسی قسم کی خلاف ورزی ہوئی ہے۔‘
سکول کی ویب سائٹ کے مطابق یہ سکول، جو میڈیسن کے مشرق کی جانب واقع ہے اور اس میں مجموعی طور پر تقریباً 400 طلبہ ہیں، 1978 میں ’ایک کمیونٹی کرسچن سکول کے طور پر قائم کیا گیا تھا، جس کا مقصد عظیم تر ڈین کاؤنٹی کے علاقے میں خاندانوں کے لیے مسیحی اقدار پر مبنی ماحول میں تعلیم فراہم کرنا تھا۔
’خدا کے الہامی کلام کے طور پر، بائبل پر ہمارا انحصار اور جو کچھ ہم سکھاتے ہیں اس کی بنیاد اس کے لیے لازم و ملزوم ہے کہ ہم کون ہیں۔‘
شوٹنگ میں اس کمیونٹی کو نشانہ بنایا جو اس سال پہلے ہی بڑے پیمانے پر بندوق کے تشدد کا سامنا کر چکی ہے، جب کہ گرمیوں کے دوران میڈیسن میں چھت کی ایک پارٹی میں فائرنگ کے نتیجے میں ایک درجن افراد زخمی ہو گئے تھے۔
© The Independent
