سنیعہ خان غوری پاکستان کی پہلی ڈاکٹر ہیں جنہوں نے ملک میں رہتے ہوئے ایمرجنسی کے شعبے میں برطانیہ سے اعلیٰ ترین ’فیلو شپ آف رائل کالج آف ایمرجنسی میڈیسن‘ حاصل کی ہے۔ 

اس کامیابی کے بعد وہ کم عمری میں یہ ڈگری مکمل کرنے کی فہرست میں بھی شامل ہو گئی ہیں۔ 

ایمرجنسی طب کے شعبے کا ایک اہم حصہ ہے جس پر پاکستان میں کم توجہ دی جاتی ہے۔

ڈاکٹر سنیعہ کے مطابق ایمرجنسی کا کام ایمبولینس سے شروع ہو جاتا ہے اور اگر ایمبولینس میں ہی بروقت طبی امداد دے دی جائے تو اس سے اموات کو کم کرنے میں بڑی مدد مل سکتی ہے۔ 

فیلوشپ کے بعد پاکستان میں ایمرجنسی کے شعبے کو فروغ دینے کی خواہش مند ڈاکٹر سنیعہ چاہتی ہیں کہ وہ دیگر ڈاکٹرز کو بھی اس شعبے میں تربیت دیں۔