سٹیٹ بنک آف پاکستان کے مطابق سعودی فنڈ فار ڈویلپمنٹ اور حکومت پاکستان کے درمیان تین ارب ڈالر کے ڈپازٹ معاہدے پر دستخط کر دیے گئے ہیں۔
سٹیٹ بنک کراچی میں سعودی عرب اور پاکستان کے درمیان ہونے والے اس ڈپازٹ معاہدے پر دستخط کرنے کی تقریب کے موقع پر سعودی عرب کی نمائندگی سعودی فنڈ برائے ترقی اور حکومت پاکستان کی نمائندگی سٹیٹ بنک آف پاکستان نے کی۔
اس فراخدلانہ ہدایت کے نفاذ کے لیے جس کا مقصد #پاکستان میں معاشی نمو کو سپورٹ کرنا ہے، #سعودی_ڈیولپمنٹ_فنڈ کے بورڈ آف ڈائریکٹرز کے چیئرمین محترم @AhmedAlKhateeb کی جانب سے، فنڈ کے سی ای او @Saalmarshad نے آج جمہوریہ پاکستان کے ساتھ 4.2 بلین ڈالر کے دو اقتصادی معاہدوں پر دستخط کیے۔ pic.twitter.com/8IFkJe5nDf
— الصندوق السعودي للتنمية (@SaudiFund_Dev) November 29, 2021
معاہدے پر سعودی عرب کی جانب سے سعودی فنڈ کے چیف ایگزیکٹو سلطان بن عبدالرحمان المرشد اور پاکستان کی جانب سے گورنر سٹیٹ بنک ڈاکٹر رضا باقر نے دستخط کیے۔
1/2سعودی فنڈ فار ڈویلپمنٹ نے آج حکومت پاکستان کے نمائندہ #SBP کے ساتھ 3.0 ارب ڈالر ڈپازٹ کے ایک معاہدے پر #SBP میں دستخط کیے ۔ یہ ڈپازٹ #SBP کے زرِ مبادلہ ذخائر کا حصہ بن جائیں گے۔پریس ریلیز: https://t.co/VZIG6n8Fim@saudifund_dev @AhmedAlKhateeb @saalmarshad #ProsperTogether
— SBP (@StateBank_Pak) November 29, 2021
اس معاہدے کے تحت سعودی فنڈ پاکستان سٹیٹ بنک کے پاس تین ارب ڈالر رکھوائے گا۔ معاہدے کے تحت ڈپازٹ کی رقم سٹیٹ بنک کے زرمبادلہ ذخائر کا حصہ بن جائے گی اور کووڈ 19 کی وبا کے منفی اثرات دور کرنے میں مددگار ثابت ہوگی۔
مزید پڑھ
اس سیکشن میں متعلقہ حوالہ پوائنٹس شامل ہیں (Related Nodes field)
واضح رہے کہ اس سے قبل بھی سعودی عرب کی جانب سے پاکستان کے لیے معاشی پیکج کا اعلان کیا گیا تھا کہ سعودی ترقیاتی فنڈ غیر ملکی کرنسی کے محفوظ اثاثوں میں سپورٹ اور کرونا وبا سے نمٹنے کے لیے سٹیٹ بنک آف پاکستان میں تین ارب ڈالر جمع کرائے گا۔
اس حوالے سے اکتوبر میں پاکستان کے وزیراعظم عمران خان نے مالی معاونت کرنے پر سعودی ولی عہد شہزادہ محمد بن سلمان کا شکریہ ادا کیا تھا۔
عمران خان کا ایک ٹویٹ میں کہنا تھا کہ ’پاکستان کے مرکزی بنک میں تین ارب ڈالر ڈپازٹ کرنے اور پٹرولیم کی مصنوعات کے لیے ایک ارب 20 کروڑ ڈالر کے ذریعے پاکستان کی مدد کرنے پر سعودی ولی عہد شہزادہ محمد بن سلمان کا شکریہ ادا کرتا ہوں۔‘
