آسٹریلیا کی ایک عدالت نے ماحولیاتی کارکن ڈیانا ’وائلٹ‘ کوکو کی 15 ماہ کی قید کی سزا ختم کر دی ہے۔ انہوں نے پچھلے اپریل میں سڈنی ہاربر برج پر ایک ٹرک کھڑا کر کے شاہراہ کی ایک لین بند کر دی تھی۔

اب کوکو کا کہنا ہے کہ وہ 13 دن جیل میں گزارنے کے بعد پولیس پر مقدمہ کریں گی اور معاوضہ طلب کریں گی۔

کوکو اپنی سزا کے خاتمے پر یہ کہتے ہوئے کہ خوشی سے رو پڑتی ہیں، 'گذشتہ 11 ماہ ناقابل یقین حد تک مشکل رہے ہیں۔‘

13 دسمبر 2022 کو سڈنی میں ڈاؤننگ سینٹر لوکل اینڈ ڈسٹرکٹ کورٹ کی عمارت کے باہر ماحولیاتی کارکن ڈیانا ’وائلٹ‘ کوکو کی حمایت میں ایک ریلی کے دوران ایک احتجاجی پلے کارڈ تھامے ہوئے ہے، جس نے گذشتہ اپریل میں سڈنی ہاربر برج کو بند کرنے میں مدد کی تھی اور اسے جیل کی سزا سنائی گئی تھی (ڈیوڈ گرے/ اے ایف پی)

اس نے مزید کہا: ’میرا تن بدن راحت سے بھر گیا۔ ہمیں اپنے احتجاج کے حق کی حفاظت کرنی ہے، آج انصاف ملا۔‘

مقامی رپورٹس کے مطابق 32 سالہ کوکو کو بدھ کو 12 ماہ کی مشروط رہائی کا حکم جاری کیا گیا جب ڈسٹرکٹ کورٹ کے جج مارک ولیمز نے سنا کہ انہیں ابتدائی طور پر این ایس ڈبلیو پولیس کی طرف سے فراہم کردہ غلط معلومات پر قید کیا گیا تھا۔

انہوں نے کہا: ’ظاہر ہے کہ ہمیں احتجاج کا اپنا حق برقرار رکھنے کی ضرورت ہے۔ احتجاج ہماری جمہوریت کا ایک اہم حصہ ہے۔‘

کوکو اور تین دیگر افراد نے، جن میں ساتھی کارکن ایلن رسل گلوور بھی شامل ہیں، گذشتہ سال 13 اپریل کو صبح کے اوقات میں ایک ہینو ٹرک کو سڈنی ہاربر برج پر چڑھا دیا تھا۔ یہ حکام کی طرف سے موسمیاتی مسائل پر کارروائی نہ کرنے کے خلاف احتجاج کا حصہ تھا۔

پچھلے سال دسمبر میں کوکو کو 15 ماہ قید کی سزا سنائی گئی تھی جس میں آٹھ ماہ کی غیر پیرول مدت کے ساتھ مجسٹریٹ نے ’بچکانہ سٹنٹ اور خود غرض جذباتی‘ عمل قرار دیا تھا۔

کوکو نے سات الزامات تسلیم کیے، جن میں ایک جائز دھماکہ خیز مادے کو غلط طریقے سے استعمال کرنا، ایک عوامی مقام پر تیز روشنی کو خطرے کے سگنل کے طور پر استعمال کرنا، اور پل کے محفوظ آپریشن میں رکاوٹ ڈالنا شامل ہیں۔  

انہوں نے اپنی سزا کے خلاف اپیل کرنے اور ضمانت پر رہا ہونے سے قبل 13 دن جیل میں گزارے تھے۔

جج مارک ولیمز ایس سی نے بدھ کو کوکو کی سزاؤں میں سے دو کے علاوہ باقی تمام کو واپس لے لیا اور انہیں 12 ماہ کی مشروط رہائی کے حکم کی سزا سنائی۔

عدالت کا سامنا کرنے والے دوسرے مظاہرین، گلوور نے، اس ماہ کے شروع میں سزا سنائے جانے کے بعد اپنے 18 ماہ کے کمیونٹی اصلاحات کے حکم اور  تین ہزار ڈالر جرمانے کے خلاف کامیابی کے ساتھ اپیل کی۔ ولیمز نے اپنی سزا کو رد کر دیا اور اسے 12 ماہ کے مشروط رہائی کے حکم پر سزا سنائی۔