پاکستان اور افغانستان کے کئی علاقوں میں بدھ کی صبح زلزلے کے جھٹکے محسوس کیے گئے۔
پاکستان میں وفاقی دارالحکومت اسلام آباد کے علاوہ زلزلے کے جھٹکے پنجاب اور خیبر پختونخوا کے کئی علاقوں میں محسوس کیے گئے۔
پاکستان کے محکمہ موسمیات کے مطابق کی شدت 5.9 تھی، جب کہ اس کا مرکز پڑوسی ملک افغانستان میں واقعہ کوہ ہندوکش میں 89 کلومیٹر کی گہرائی پر تھا۔
زلزلے کا مرکز افغانستان کے صوبے بغلان سے 167 کلومیٹر مشرق میں تھا۔
پنجاب اور پختونخوا میں زلزلہ
پاکستان میں پنجاب اور خیبرپختونخوا کے کئی اضلاع میں زلزلے کےجھٹکے محسوس کیے گئے۔
مزید پڑھ
اس سیکشن میں متعلقہ حوالہ پوائنٹس شامل ہیں (Related Nodes field)
مالاکنڈ، سوات، شانگلہ، چترال، ایبٹ آباد، مردان، مہمند، صوابی، لوئردیر، کوہاٹ، باجوڑ میں زلزلے کے شدید جھٹکے محسوس ہوئے۔ اس کے علاوہ آزادکشمیر کے علاقے بھمبر سماہنی اور گردونواح میں بھی زلزلے کے جھٹکے محسوس کیے گئے۔
علاوہ ازیں لاہور سمیت پنجاب کے مختلف شہروں میں بھی زلزلے کے جھٹکےمحسوس کیے گئے۔
زلزلے جھٹکوں کے باعث صبح سویرے ہونے کے باوجود کئی شہری اور دیہی علاقوں میں شہری خوفزدہ ہو کر گھروں سے باہر نکل آئے تاہم کسی قسم کے جانی یا مالی نقصان کی اطلاع موصول نہیں ہوئی ہے۔
