’مودی حکومت نے یہ یقینی بنایا کہ پاکستان فنانشل ایکشن ٹاسک فورس(ایف اے ٹی ایف) کی گرے لسٹ میں رہے۔‘
بھارت کے وزیر خارجہ جے شنکر نے ایک تقریب کے دوران یہ بات کہی جس کے بعد سوشل میڈیا صارفین کے مطابق ’ایف اے ٹی ایف میں پاکستان کے خلاف بھارتی سازش بے نقاب ہو گئی ہے۔‘
انھوں نے مزید کہا کہ ’پاکستان بھارتی کوششوں کی بدولت ہی گرے لسٹ میں ہے اور یہ دعوی کیا کہ وہ پاکستان پر دباؤ ڈالنے میں کامیاب رہے اور یہی وجہ ہے کہ پاکستان کے روئیے میں تبدیلی آئی ہے۔‘
اس خبر کے سامنے آتے ہی پاکستان اور بھارت میں ’ایف اے ٹی ایف‘ ٹاپ ٹرینڈ پہ آگیا اور دونوں اطراف سے اس پر بحث چھڑ گئی۔
فاطمہ نامی صارف نے اپنی ٹویٹ میں کہا کہ ایف اے ٹی ایف بے نقاب ہو چکا ہے اور ساتھ ہی انہوں نے کارٹون کے ذریعے یہ انکشاف کیا کہ ایف اے ٹی ایف اور بھارت ایک ہی ہیں۔
#FATF is exposed!!! pic.twitter.com/HYX2oUwvQi
— Fatemah (@fatimabashir211) July 18, 2021
عمران اپنی ٹویٹ میں لکھتے ہیں کہ ایف اے ٹی ایف پر بھارت کا پریشر تھا کہ وہ پاکستان کو گرے لسٹ میں رکھے، اس بات کا اعتراف بھارت کے وزیر خارجہ نے خود کیا۔
So @FATFNews was under pressure by Indian govt and it's proxies to keep Pakistan in #FATF grey list. Indian External Affairs Minister's confessed. pic.twitter.com/XWbbFGPRme
— (@Lalika79) July 18, 2021
نبیہا شاہد نامی ایک صارف نے ہندوستان ٹائمز کی ٹویٹ کے جواب میں کہا کہ پاکستان نے 27 میں سے26 شقیں پوری کر دیں تو پھر پاکستان کو گرے لسٹ میں رکھنے کی کوئی تک نہیں بنتی اور ہمیں شفاف ثبوت چاہئے جس سے یہ ثابت ہو کہ واقعی میں ایف اے ٹی ایف کو بھارت نے استعمال کیا پاکستان کے خلاف۔
Pakistan had fulfilled 26 out of 27 recommendations of #FATF Action Plan,there was no justification for Pakistan to remain in the grey list
— Nabya Shahid (@nabyashahid) July 19, 2021
We need no more transparent evidence than this that #FATF is misused by #India for political purposes and doing propaganda against Pakistan https://t.co/JR9HNulHDW
اس سے قبل گزشتہ ماہ ایف اے ٹی ایف نے پاکستان کو گرے لسٹ میں برقرار رکھنے کا فیصلہ کیا تھا۔
مزید پڑھ
اس سیکشن میں متعلقہ حوالہ پوائنٹس شامل ہیں (Related Nodes field)
پاکستان نے 27 میں سے 26 اہداف حاصل کر لیے تھے لیکن ایف اے ٹی ایف کے مطابق پاکستان کو 27 اہداف حاصل کیے بغیر گرے لسٹ سے نہیں نکالا جا سکتا جس کے جواب میں پاکستان کے وزیرخارجہ شاہ محمود قریشی نے ایف اے ٹی ایف پہ سوال اٹھاتے ہوئے کہا تھا کہ دیکھنا ہو گا کہ اس فورم کو کہیں سیاسی مقاصد کے لیے استعمال تو نہیں کیا جا رہا۔
بھارت کی جانب سے ٹویٹر صارفین کا اس پر خوشی کا اظہار کیا جا رہا ہے۔
ایک صارف نے بھارتی وزیر خارجہ جے شنکر کے اس اقدام کو سراہتے ہوئے کہا کہ پاکستان بلیک لسٹ میں ہونا چاہیے اور اس پہ مزید کام ہونا چاہیے بھارت کی جانب سے۔
Aim higher Minister @DrSJaishankar. Why is it not on the Black List, remains the question?
— Gaurav Sarin (@gsarin) July 18, 2021
You are one of the very few who, one knows, must be putting in the efforts to get it done, but India needs to learn to aim high & achieve high, not aim high & achieve just the acceptable.
پاکستان کے دفتر خارجہ نے سوموار کو اپنے جاری کیے جانے والے بیان میں کہا ہے کہ بھارتی وزیر خارجہ کے بیان نے بھارت کا اصل روپ دکھا دیا ہے اور یہ پاکستان مخالف منفی کردارپر ہمارے موقف کی تائید ہے۔
انہوں نے مزید کہا کہ پاکستان اپنے اس موقف کو ایف اے ٹی ایف کے سامنے رکھے گا کہ ان معاملات کی جانچ کی جائے۔
