نوجوانوں کی شراب سے کنارہ کشی کو عام طور پر ایک مثبت رجحان سمجھ کر اس کا خیرمقدم کیا جانا چاہیے لیکن یہ جاپان کی شراب ساز کمپنیوں اور حکومتوں کے لیے بری خبر ہے جو عوام کے ساتھ ساتھ شراب کے منافع بخش ٹیکس کی آمدن کو کم ہوتے دیکھ رہی ہیں۔
جاپان کی نیشنل ٹیکس ایجنسی کو واضح طور پر تشویش ہے: سیک ویوا کے نام سے ایک آن لائن مقابلے میں وہ بالغ نوجوان جاپانیوں کو زیادہ شراب پینے کی ترغیب دینے کے لیے ایک غیرروایتی طریقہ اختیار کر رہی ہے۔
اس منصوبے میں نوجوانوں سے کہا گیا ہے کہ وہ نئی نسل کو زیادہ پینے پر آمادہ کرنے کے لیے کاروباری منصوبے تجویز کریں، یہ کہتے ہوئے کہ جاپان کی خاطر، بیئر اور شراب بنانے والے ایسے چیلنجز کا سامنا کر رہے ہیں جنہیں وبائی مرض نے مزید بدتر بنا دیا ہے۔
مقابلہ جاپان کے نہ پینے کے رجحان کے خلاف ہے
ملک کی وزارت صحت کے مطابق جاپان میں الکوحل کی کھپت 1990 کی دہائی سے مسلسل نیچے جا رہی ہے۔ پچھلی دہائی میں حکومت نے الکوحل سے منسلک سماجی اور صحت کے مسائل کا مقابلہ کرنے کے لیے ایک وسیع منصوبہ اپنایا، جس میں آبادی کے نسبتاً چھوٹے حصے تک پہنچنے پر توجہ مرکوز کی گئی جو جاپان کی کل الکوحل کی کھپت کا تقریباً 70 فیصد حصہ ہیں۔
ٹیکس ایجنسی نے کہا کہ کورونا وائرس کی پابندیوں نے بہت سے لوگوں کو جاپان کے ایزاکایا (پب) میں جانے سے روک دیا ہے اور وہ گھروں میں بھی نہیں پی رہے ہیں۔
مقابلے کے لیے خصوصی طور پر بنائی گئی ایک ویب سائٹ کے مطابق ’گھریلو الکوحل مشروبات کی مارکیٹ آبادیاتی تبدیلیوں کی وجہ سے سکڑ رہی ہے جیسے کہ شرح پیدائش میں کمی اور عمر رسیدہ آبادی،‘ اور ساتھ ہی طرز زندگی شراب نوشی سے دور ہو رہی ہے۔
نئی مصنوعات جو بدلتے وقت کی عکاسی کرتی ہیں۔ وہ فروخت جو ورچوئل ’AI اور Metaverse‘ تصورات استعمال کرتی ہے۔ پروموشنز جو مصنوعات کی اصل جگہ سے فائدہ اٹھاتے ہیں - یہ صرف چند خیالات ہیں جو سائٹ جاپان کے نوجوان بالغوں کو الکوحل کو گلے لگانے کے طریقوں کے طور پر درج کرتی ہے۔
مخالفت
اس مقابلے کا مقصد ’شراب کی صنعت کو زندہ کرنا اور مسائل کو حل کرنا‘ ہے۔ لیکن اس نے آن لائن پر بہت سے لوگوں کو ناراض کیا ہے، جس سے یہ سوال پیدا ہوتا ہے کہ ایک حکومت جس نے پہلے لوگوں کو ذمہ داری کے ساتھ شراب پینے یا پرہیز کرنے کی ترغیب دی تھی، اب نوجوانوں کو زیادہ شراب پینے کی ترغیب دینے میں مدد کیوں مانگ رہی ہے۔
مزید پڑھ
اس سیکشن میں متعلقہ حوالہ پوائنٹس شامل ہیں (Related Nodes field)
مصنف اور صحافی کیرین نشی نے اس تنازعہ پر روشنی ڈالتے ہوئے کہا کہ جاپان مخالف سمت میں جا رہا ہے کیونکہ زیادہ تر جدید حکومتیں اس بات پر زور دے رہی ہیں کہ شراب فطری طور پر خطرناک ہے۔
جیسا کہ ٹوئٹر پر مقابلہ کے بارے میں بحث شروع ہوئی، ایک مقبول تبصرے نے ان نوجوانوں کی تعریف کی جو شراب نہیں پی رہے ہیں، یہ کہتے ہوئے کہ ان کا ماننا ہے کہ الوکحل کے ذریعے عائد سماجی اخراجات ٹیکس کی آمدنی سے زیادہ نہیں ہیں۔
ناقدین نے ٹیکس دہندگان کو پڑنے والے خرچے پر بھی سوال اٹھایا۔ یہ مقابلہ اور ویب سائٹ پاسونا نوینٹائی چلا رہی ہے، جو کہ زراعت اور خوراک سے متعلق ایک بڑے جاپانی ادارے پاسونا گروپ کا حصہ ہے۔
سیک ویوا نامی یہ مقابلہ کئی مہینوں تک چلے گا۔ یہ مقابلہ 20 سے 39 سال کی عمر کے لوگوں کے لیے کھلا ہے، جس میں آئڈیاز 9 ستمبر کو جمع کرانا ہیں۔
شراب نوشی کی حامی تجاویز جو فائنل راؤنڈ میں جگہ بنا پائیں گی ان کا فیصلہ 10 نومبر کو ٹوکیو میں ان کی موجودگی میں کیا جائے گا۔
یہ تاریخ اس اختلاف کی نشاندہی کرتی ہے جو اب بہت سے لوگ حکومت کی الکوحل سے متعلق پالیسیوں میں دیکھتے ہیں۔ جاپان نے الکوحل سے متعلقہ نقصان کے خلاف اقدامات پر بنیادی قانون نافذ کیا تو اس نے شراب کے استعمال سے متعلق آگاہی بڑھانے کے لیے ایک ہفتہ منانے کا اہتمام کیا تھا۔ یہ ہفتہ بھی 10 نومبر سے شروع ہوتا ہے۔
