پرتگال سے تعلق رکھنے والے سٹار فٹ بالر کرسٹیانورونالڈو نے پہلے ہی مردوں کے عالمی میچوں میں حصہ لینے کا ریکارڈ قائم رکھا ہے اور اب وہ منگل کو ایک اور سنگ میل تک پہنچنے والے ہیں۔
ایسا تب ہو گا جب پرتگال کی ٹیم یورو 2024 کے کوالیفائنگ راؤنڈ کے لیے آئس لینڈ میں ہو گی اور رونالڈو اپنا 200 واں میچ کھیلیں گے۔
اے ایف پی سپورٹس نے رونالڈو کے 20 سالہ بین الاقوامی کیریئر کے یادگار لمحات پر نظر ڈالی ہے۔
رونالڈو نے 18 سال کی عمر میں متبادل کھلاڑی کے طور پر اپنا بین الاقوامی ڈیبیو کیا تھا۔
انہوں نے اگست 2003 میں ایک اور بڑے پرتگالی فٹ بالر لوئس فیگو کی جگہ میچ میں حصہ لیا تھا۔
ان کے لیے پہلا بڑا ٹورنامنٹ اگلے موسم گرما میں اس وقت آیا جب پرتگال نے یورو 2004 کی میزبانی کی اور رونالڈو نے پرتگال کی طرف سے اپنا پہلا گول کیا۔
تاہم پرتگال کی ٹیم یونان کے خلاف اوپنگ میچ ایک گول سے ہار گئی اور بالآخر یونان کی ٹیم ٹورنامنٹ کی فاتح بن گئی۔
فائنل میں شکست کے باوجود اس وقت تک رونالڈو پرتگال کی ٹیم کے لیے باقاعدہ سٹارٹر بن چکے تھے۔
21 سال اور 132 دن کی عمر میں رونالڈو ورلڈ کپ میں اپنے ملک کے سب سے کم عمر سکورر بن گئے جب انہوں نے جرمنی میں کھیلے گئے 2006 کے فائنل میں ایران کے خلاف پنیلٹی کِک پر گول کیا۔
انہیں اس وقت کم مثبت توجہ ملی جب انہوں نے کوارٹر فائنل میں انگلینڈ کے وین رونی کی طرف سے اپنی ٹانگ ریکارڈو کاروالہو کے سامنے لانے کے معاملے ریفری سے پرجوش احتجاج کیا۔
جب انگلش فٹ بال کلب مانچسٹر یونائیٹڈ کے ان کے ساتھی کھلاڑی کو ریفری نے میدان سے باہر بھیجا تو کیمرے نے رونالڈو کو آنکھ مارتے ہوئے پکڑ لیا۔
رونالڈو کی فیصلہ کن کک نے پرتگال کی ٹیم کو شوٹ آؤٹ میں جیت میں مدد دی لیکن پرتگال کو سیمی فائنل میں فرانس سے شکست کا سامنا کرنا پڑا۔
پرتگال کی ٹیم 2008 کے یورو اور 2010 کے ورلڈ کپ کے پہلے ناک آؤٹ راؤنڈ، یورو 2012 کے سیمی فائنل اور 2014 کے ورلڈ کپ میں گروپ کے مرحلے میں ٹورنامنٹ سے باہر ہو گئی لیکن رونالڈو اور پرتگال فرانس میں یورو 2016 میں انٹرنیشنل ٹرافی جیتنے میں کامیاب رہے۔
رونالڈو نے فائنل تک پہنچے تک تین گول کیے اور کوارٹر فائنل میں پولینڈ کے خلاف شوٹ آؤٹ میں فیصلہ کن سپاٹ کک لگائی۔
لیکن فرانس کے خلاف فائنل میں 25 منٹ کے کھیل کے بعد رونالڈو زخمی ہو گئے اور انہیں سٹریچر پر ڈال کر گراؤنڈ سے باہر لے جانا پڑا۔ اضافی وقت میں ایڈر نے ٹیم کا واحد گول کیا اور کھیل سے باہر ہونے کے باوجود ٹیم کے کپتان رونالڈو ٹرافی جیتنے میں کامیاب رہے۔
لزبن میں ٹورنامنٹ میں فتح کے بعد منائے جانے والے جشن کے موقعے پر رونالڈو کا کہنا تھا کہ ’یہ وہ فائنل نہیں تھا جو میں چاہتا تھا لیکن میں خوش ہوں۔ یہ ٹرافی تمام پرتگال، تمام تارکین وطن اور ان تمام لوگوں کی ہے جو ہم پر اعتماد کرتے ہیں۔ اس لیے میں بہت خوش اور بہت فخر محسوس کر رہا ہوں۔‘
رونالڈ نے پرتگال کی ٹیم کے لیے 10 ہیٹرکس کیں جب کہ دو میچوں میں انہوں نے چار گول بنائے۔
رونالڈو کی یہ کامیابی نسبتاً چھوٹی ٹیموں کے خلاف تھی جن میں اینڈورا، آرمینیا، فیرو آئی لینڈز، لتھوینیا (دو مرتبہ)، لکسمبرگ اور شمالی آئرلینڈ شامل ہیں۔
مزید پڑھ
اس سیکشن میں متعلقہ حوالہ پوائنٹس شامل ہیں (Related Nodes field)
لیکن ایک بار سویڈن میں 2013 میں ورلڈ کے پلے آف میں پرتگال کو 3۔2 سے فتح ملی۔ رونالڈو نے تمام چار گول کیے اور پرتگال مجموعی طور پر 4۔2 سے جیت گیا۔
انہوں نے 2018 میں روس میں ورلڈ کپ گروپ گیم میں سپین کے خلاف تین گول کیے جن میں 88 منٹ پر فری کک پر کیا جانے والا گول بھی شامل ہے جس سے سکور برابر ہو گیا تھا۔ میچ 3۔3 کے ساتھ ختم ہو گیا اور پرتگال نے بالآخر ایران پر ایک پوائنٹ سے فتح حاصل کی۔
جب پرتگال نے 2019 میں نیشنز لیگ کے افتتاحی فائنل کی میزبانی کی تو رونالڈو نے پورٹو میں مداحوں کے ہجوم کے سامنے سوئٹزرلینڈ کے خلاف سیمی فائنل میں 3-1 سے فتح میں تینوں گول کیے۔
میچ کے بعد پرتگال کی ٹیم کے مینیجر فرنانڈو سانتوس نے کہا کہ ’میں 2003 میں ان (رونالڈ) کا کوچ تھا اور میں دیکھ سکتا تھا کہ وہ کہاں جائیں گے۔ وہ باصلاحیت ہیں۔ پینٹگز اور مجسمے شاندار ہوتے ہیں۔ وہ فٹ بال میں شاندار ہیں۔‘
پرتگال نے فائنل میں نیدرلینڈز کو شکست دے کر دوسری بین الاقوامی ٹرافی حاصل کی تھی۔
رونالڈو طویل عرصے تک ایرانی کپتان رہنے والے علی دائی کا زیادہ گولز کا عالمی ریکارڈ توڑنے کی کوشش کرتے رہے لیکن بالآخر وہ ایک ایسا گول کرنے میں کامیاب رہے جس کی اہمیت تھی نہ صرف ریکارڈ کی کتابوں میں بلکہ ان کے ملک کے لیے بھی۔
رونالڈو نے 2021 میں قومی ٹیم کے لیے اہم میچ کھیلا۔ یہ ورلڈ کپ کا کوالیفائنگ میچ تھا۔ اس میچ سے قبل رونالڈ اتنے ہی گول کر چکے تھے جتنے ایرانی کھلاڑی علی دائی نے کیے۔
دونوں کے درمیان 109 گول کی ٹائی تھی۔ اس لیے آئرلینڈ کے خلاف ورلڈ کپ کے کوالیفائنگ میچ ان کے پاس زیادہ گول کر کے علی دائی کا ریکارڈ توڑنے کا موقع تھا۔
پرتگال اور آئرلینڈ کے درمیان کھیل کے دوران رونالڈو کو میچ کے شروع میں پنیلٹی پر گول کرنے کا موقع ملا۔ تاہم نوجوان گول کیپر گیون بازونو نے گول ہونے سے روک دیا۔
پنیلٹی بچانے کے بعد آئرلینڈ پہلا ہاف ختم ہونے سے عین قبل گول کرنے میں کامیاب رہا اور کھیل میں برتری حاصل کر لی۔
میچ کے 89 ویں منٹ میں رونالڈو نے چھ منٹ کے اضافی وقت میں ایسا گول کیا جس نے نہ صرف سکور برابر کردیا بلکہ ریکارڈ بھی توڑ ڈالا۔ اس گول نے انہیں بین الاقوامی میچوں میں سب سے زیادہ گول کرنے والا کھلاڑی بنا دیا۔
