پاکستان کے لیے آئی سی سی کرکٹ ورلڈ کپ 2023 میں آگے جانے کے لیے 27 اکتوبر کو جنوبی افریقہ کے خلاف کھیلے گئے میچ میں کامیابی بہت اہم تھی، جس کے لیے کھلاڑیوں نے بھرپور کوشش کی لیکن امپائر کے ایک فیصلے نے میچ کا نتیجہ پاکستان کے خلاف پلٹ دیا۔
میچ میں حارث رؤف کے آخری اوور میں گیند جنوبی افریقہ کے کھلاڑی تبریز شمسی کے پیڈز پر لگی اور یوں لگا کہ پاکستانی مداحوں کی دعائیں رنگ لے آئی ہیں، پرجوش اپیل ہوئی، مگر امپائر نے ناٹ آؤٹ کا اشارہ کر دیا۔
پاکستانی کپتان بابر اعظم نے فوری طور پر امپائر کے فیصلے کو چیلنج کرتے ہوئے ریویو لے لیا۔
مزید پڑھ
اس سیکشن میں متعلقہ حوالہ پوائنٹس شامل ہیں (Related Nodes field)
ریویو میں بھی ٹی وی امپائر نے فیلڈ امپائر کا فیصلہ برقرار رکھا کیوں کہ گیند وکٹوں کی لائن کے باہر گری۔ بال ٹریکنگ میں اگرچہ گیند لیگ سٹمپ کو ہٹ کر رہی تھی لیکن وہ لیگ سٹمپ کے باہر والے کنارے سے ٹکراتی نظر آئی، اسی وجہ سے گراؤنڈ امپائر کو شک کا فائدہ دیتے ہوئے ان کا ناٹ آؤٹ کا فیصلہ برقرار رکھا گیا۔
میچ تو ختم ہو گیا اور اپنی شکست کے ساتھ پاکستانی ٹیم اس میگا ایونٹ سے تقریباً باہر بھی ہوگئی، لیکن اس ریویو پر کئی سوال اٹھائے جا رہے ہیں اور صرف ناراض پاکستانی شائقین ہی نہیں بلکہ انڈین کھلاڑی بھی اس پر بات کر رہے ہیں۔
سابق انڈین آف سپنر پربھجن سنگھ نے ایکس پر اپنی پوسٹ میں پاکستانی ٹیم کی شکست کا ذمہ دار ’خراب امپائرنگ‘ اور ’برے قوانین‘ کو قرار دیا اور کہا کہ اس کی قیمت پاکستان کو اس میچ میں چکانی پڑی۔
انہوں نے آئی سی سی کو ٹیگ کرتے ہوئے لکھا کہ ’اس اصول کو بدلنا چاہیے۔ اگر گیند سٹمپ سے ٹکرا رہی ہے تو وہ آؤٹ ہوگا۔ امپائر چاہے آؤٹ کہے یا ناٹ آؤٹ، اس سے کوئی فرق نہیں پڑتا، ورنہ ٹیکنالوجی کا کیا فائدہ؟‘
Bad umpiring and bad rules cost Pakistan this game.. @ICC should change this rule .. if the ball is hitting the stump that’s out whether umpire gave out or not out doesn’t matter.. otherwise what is the use of technology??? @TheRealPCB vs #SouthAfrica #worldcup
— Harbhajan Turbanator (@harbhajan_singh) October 27, 2023
اس پوسٹ کے بعد کئی صارفین نے ہربھجن سنگھ پر تنقید کی اور سوال بھی کیے لیکن وہ اپنے موقف پر قائم رہے۔
جنوبی افریقہ کے سابق کرکٹر اور کپتان گریم سمتھ نے بھی ہربھجن کی پوسٹ پر جواب دیا اور جنوبی افریقہ کے کھلاڑی راسی وین ڈیر ڈوسن کے آؤٹ کی طرف اشارہ کرتے ہوئے کہا کہ میں بھی ’امپائرز کال‘ پر آپ سے متفق ہوں لیکن جنوبی افریقہ اور راسی بھی یہی سب سب محسوس کرسکتے ہیں؟
جس پر ہربھجن نے جواب دیا کہ یہ صحیح نہیں ہے۔ ’یا تو آپ ٹیکنالوجی کا استعمال کریں یا امپائر کے فیصلے پر قائم رہیں۔ ایک ہی کھیل میں گیند سٹمپ سے ٹکرا کر دو بار آؤٹ دیا گیا اور ایک بار ناٹ آؤٹ۔ آپ پوری دنیا کو کیا دکھا رہے ہیں؟ کون غلطیاں کر رہا ہے امپائر یا ٹیکنالوجی؟ دونوں کو ایک ساتھ کیوں رکھا گیا ہے؟ فیصلہ کرنے کی ضرورت ہے کہ کون صحیح ہے۔ امپائر یا ٹیکنالوجی؟‘
This isn’t right .. either u use technology or stick to umpires decisions SIMPLE ! In the same game ball hitting the stump twice once given out and once not out ..what r you showing the whole world ? Who’s making the mistakes umpire or technology? Why hv them both ? Need to… https://t.co/8aZXAWjIPp
— Harbhajan Turbanator (@harbhajan_singh) October 27, 2023
ایک اور پوسٹ میں ہربھجن نے وضاحت دیتے ہوئے کہا کہ ’اس سے فرق نہیں پڑتا کہ آج کون جیتا کون ہارا۔ مجھے اس سے بھی فرق نہیں پڑتا کہ کون کھیل رہا ہے یا کھیل رہا تھا، لیکن قوانین ٹھیک نہیں ہیں۔ کل کو یہ ہمارے ساتھ بھی ہو سکتا ہے، امپائرز کی غلطی کی وجہ سے ہم فائنل ہار گئے تو؟‘
It doesn’t matter aaj kon jeeta kon haara.. it’s doesn’t matter for me kon khel raha hai or thaaa .. par niyam theek nahi hai.. Kal ko yeh hamare sath bi ho sakta hai.. inki ( umpires ) ki galti k kaaran hum final Haaar gaye tho ? Phir kya hoga
— Harbhajan Turbanator (@harbhajan_singh) October 27, 2023
پاکستان مخالف پوسٹس کے حوالے سے مشہور انڈین کھلاڑی عرفان پٹھان نے بھی میچ کے اختتام پر لکھا کہ ’دو فیصلے پاکستان کے خلاف گئے ایک وائیڈ بال اور ایک ایل بی ڈبلیو، ایسا لگتا ہے کہ جنوبی افریقہ کو اس ورلڈ کپ میں اچھے کھیل کے ساتھ کچھ قسمت بھی ملی ہے۔‘
Two calls went against team Pakistan. Wide and LBW. Looks like South Africa got some Luck with solid game this World Cup… #PAKvSA
— Irfan Pathan (@IrfanPathan) October 27, 2023
پاکستان گلوکار علی ظفر بھی ایکس پر اپنی پوسٹ میں کافی جذباتی نظر آئے۔ انہوں نے لکھا کہ پاکستان جیت گیا ہے اور وہ (تبریز شمسی) آؤٹ تھے۔ ہم اس پر بحث کر سکتے ہیں اور سب اپنی اپنی رائے رکھ سکتے ہیں، لیکن میرے لیے پاکستان جیت گیا۔‘
انہوں نے اپنے شک کا اظہار کرتے ہوئے کہا کہ ایک درست سوال جو میرے دوست پوچھ رہے ہیں اور جو بہت سے لوگوں کو طویل عرصے تک پریشان کر سکتا ہے کہ ’ریویو کی ویڈیو میں معمول سے زیادہ وقت کیوں لگا؟ کچھ ٹھیک نہیں لگ رہا تھا۔ شاید کچھ تکنیکی خرابی؟‘
آخر میں انہوں نے پاکستانی ٹیم کے کھلاڑیوں کو اس طرح ’فائٹ بیک‘ کرنے پر سراہا اور کہا کہ اس چیز سے قطع نظر، میچ شروع ہوا تو کیا کسی نے سوچا تھا کہ ٹیم اس طرح لڑے گی؟‘
Pakistan won ! That was an OUT! “Impact in line!” Yes, we can argue over it and can all have our own opinions. For me, Pakistan won.
— Ali Zafar (@AliZafarsays) October 27, 2023
A valid question my friends are asking that may haunt many for a long time: “Why did it take longer than usual for the review video.…
انڈین اداکار ایوشمان کھرانا نے بھی میچ کے دوران ایکس پر پوسٹ کرتے ہوئے لکھا کہ ’یہ شمسی آؤٹ تھا یار۔‘
Yeh Shamsi out tha bro..
— Ayushmann Khurrana (@ayushmannk) October 27, 2023
میچ کے بعد پاکستان کرکٹ ٹیم کے ڈائریکٹر اور چیف کوچ مکی آرتھر کا کہنا تھا کہ ٹیم اس طرح کی کرکٹ نہیں کھیل پائی، جیسی ورلڈ کپ میں کھیلنی چاہیے تھی۔ افغانستان کے خلاف بھی ہم تینوں شعبوں میں کچھ زیادہ بہتر نہیں رہے، لیکن جنوبی افریقہ کے خلاف ہماری بیٹنگ ٹھیک تھی اور بولنگ میں ہم بہت اچھے تھے۔
بقول مکی آرتھر: ’مجھے ان کھلاڑیوں پر واقعی فخر ہے کیونکہ وہ آخر تک لڑے ہیں۔‘