پاکستان سپر لیگ کے 10ویں ایڈیشن میں اس بار کئی بڑے نام دکھائی دینے والے ہیں جن میں ڈیوڈ وارنر، کین ولیم سن سرفہرست ہیں۔
پی ایس ایل 10 میں حصہ لینے والے کھلاڑیوں کا ڈرافٹ پیر کو لاہور میں ہوا جس میں تمام فرنچائزز کے نمائندوں نے اپنے اپنے پسندیدہ کھلاڑیوں کا انتخاب کیا۔
اس ڈرافٹ میں ہر بار کی طرح تمام فرنچائزز نے مختلف کیٹیگریز میں کھلاڑیوں کا انتخاب کیا۔
آئیے پی ایس ایل 10 کے ڈرافٹ میں منتخب ہونے والے کھلاڑیوں کے ناموں پر ایک نظر ڈالتے ہیں:
اسلام آباد یونائیٹڈ:
اسلام آباد یونائیٹڈ کی پلیٹینم کیٹیگری میں نسیم شاہ، شاداب خان اور میتھیو شارٹ موجود ہیں جبکہ ڈائمنڈ کیٹیگری میں اس نے اعظم خان، عماد وسیم اور جیسن ہولڈر کو رکھا ہے۔
ان کے علاوہ گولڈ کیٹیگری میں حیدر علی، سلمان علی آغا اور بینجیمن ڈوارشوئس منتخب کیے گئے ہیں۔ سلور کیٹیگری میں اسلام آباد یونائیٹڈ نے کولن منرو، رومان رئیس، آندریس غوث، محمد نواز اور سلمان ارشد کو رکھا ہے۔
ان کیٹیگریز کے علاوہ سپلیمنٹری میں جنوبی افریقہ کے سٹار پرفارمر ریسی وین ڈر ڈوسن، رائیلی میریڈتھ اور سیم بلنگز جبکہ ایمرجنگ کیٹیگری میں حنین شاہ اور سعد مسعود موجود ہیں۔
کراچی کنگز:
کراچی کنگز نے پی ایس ایل 10 کے لیے ایک بار پھر بڑے ناموں کا انتخاب تو کیا ہے مگر بعض شائقین کو یہ نام زیادہ پسند نہیں آئے جس کی وجہ ان کے مطابق ان کھلاڑیوں کا ریٹائر ہونا ہے۔
خیر اس فہرست پر نظر ڈالتے ہیں جہاں پلیٹینم کیٹیگری میں آپ کو ڈیوڈ وارنر، ایڈم ملن اور عباس آفریدی دکھائی دیں گے جبکہ ڈائمنڈ کیٹیگری میں حسن علی، جیمز وینس اور خوشدل شاہ موجود ہیں۔
گولڈ کیٹیگری میں کراچی کنگز نے عرفان خان نیازی، شان مسعود اور عامر جمال کو رکھا ہے۔ اس کے علاوہ سلور کیٹیگری میں عرفات منہاس، ٹم سائفرٹ، زاہد محمود، لٹن داس اور میر حمزہ کا انتخاب کیا ہے۔
سپلیمنٹری کیٹیگری میں ایک بار پھر کراچی کنگز نے ایک بڑا نام کین ولیم سن کا انتخاب کیا ہے۔ ان کے علاوہ محمد نبی، مرزا مامون امتیاز اور عمیر بن یوسف بھی موجود ہیں۔
ایمرجنگ کیٹیگری میں فواد علی اور ریاض اللہ کو منتخب کیا گیا ہے۔
لاہور قلندرز:
دیگر فرنچائزز کی طرح لاہور قلندرز نے بھی گذشتہ سالوں میں کھیلنے والے کچھ ناموں کو اس بار بھی برقرار رکھا ہے۔
جیسا کہ پلاٹینیم کیٹیگری میں موجود فخر زمان، شاہین شاہ آفریدی ہیں اور ان کے ساتھ ڈیرل مچل کو بھی اسی کیٹیگری میں چن لیا گیا ہے۔
ڈائمنڈ کیٹیگری میں حارث رؤف، سکندر رضا اور کوشال پریرا ہیں جبکہ گولڈ کیٹیگری میں عبداللہ شفیق، جہانداد خان اور زمان خان کا انتخاب کیا گیا ہے۔
سلور کیٹیگری میں ڈیوڈ ویسا، آصف آفریدی، آصف علی، محمد اخلاق اور رشاد حسین چنے گئے ہیں اور سپلیمینٹری کیٹیگری میں محمد نعیم، سلمان علی مرزا اور ٹام کرن ہیں جبکہ مومن قمر اور محمد عازب ایمرجنگ پلیئرز ہیں۔
ملتان سلطانز:
پاکستان کی ون ڈے ٹیم کے کپتان محمد رضوان پلاٹینیم کیٹیگری میں بدستور موجود ہیں جبکہ ان کے ساتھ اسامہ میر اور مائیکل بریسویل کا انتخاب کیا گیا ہے۔
ڈائمنڈ کیٹیگری میں ڈیوڈ ولی، افتخار احمد اور عثمان خان ہیں جبکہ گولڈ میں کرس جارڈن، کامران غلام اور محمد حسنین کو چنا گیا ہے۔
سلور کیٹیگری میں فیصل اکرم، عاکف جاوید، گڈاکیش موٹی، جاش لٹل اور طیب طاہر منتخب ہوئے ہیں۔ سپلیمنٹری میں عامر عظمت، جانسن چارلز اور یاسر خان جبکہ شاہد عزیز اور عبید شاہ بطور ایمرجنگ پلیئر کھیلیں گے۔
پشاور زلمی:
زلمی نے بابر اعظم اور صائم ایوب کو پلاٹینیم کیٹیگری میں ریٹین کیا ہے اور ساتھ ہی ٹام کوہلر کیڈمور شامل ہوئے ہیں۔
ڈائمنڈ کیٹیگری میں محمد حارث، کوربن بوش اور محمد علی ہیں جبکہ حسین طلعت، ناہید رانا اور عبدالصمد گولڈ کیٹیگری میں چنے گئے ہیں۔
سلور میں پشاور زلمی نے عارف یعقوب، مہران ممتاز، سفیان مقیم، میکس برائنٹ اور نجیب اللہ زدران کا انتخاب کیا۔
علی رضا اور معاذ صداقت ایمرجنگ جبکہ احمد دانیال اور الزاری جوزف سپلیمینٹری کیٹیگری میں ہیں۔
کوئٹہ گلیڈی ایٹرز:
کوئٹہ گلیڈی ایٹرز نے پلاٹینیم کیٹیگری میں اب تک دو کھلاڑیوں کا انتخاب کیا ہے جن میں فن ایلن اور مارک چیپمن شامل ہیں۔
ڈائمنڈ میں ابرار احمد، محمد عامر اور رائلی روسو جبکہ گولڈ میں عقیل حسین، محمد وسیم جونیئر اور سعود شکیل کا انتخاب کیا گیا ہے۔
اسی طرح فہیم اشرف، خواجہ نافع، عثمان طارق، حسیب اللہ خان اور خرم شہزاد سلور کیٹیگری میں ہیں اور محمد ذیشان، دانش عزیز، کوشال مینڈس اور شان ایبٹ سپلیمینٹری کیٹیگری میں چنے گئے۔
کائل جیمیسن اور حسن نواز بطور ایمرجنگ پلیئر کھیلیں گے۔
پاکستان سپر لیگ کے 10ویں ایڈیشن میں بعض فرنچائزز کی جانب سے کچھ کھلاڑیوں کا انتخاب ابھی باقی ہے جو آنے والے دنوں میں کیا جائے گا۔
یہ ٹورنامنٹ رواں سال چیمپیئنز ٹرافی کے پاکستان میں انعقاد کے باعث اپریل، مئی میں کھیلے جانے کا امکان ہے جس کا مطلب ہے کہ اس مرتبہ پی ایس ایل اور آئی پی ایل ایک ساتھ ہی کھیلے جائیں گے۔
اس کے علاوہ پاکستان کرکٹ بورڈ یہ بھی کہہ چکا ہے کہ پی ایس ایل 10 چھ ٹیموں پر مبنی آخری ٹورنامنٹ ہو گا جبکہ 2016 کے لیے اس میں دو مزید ٹیموں کا شامل کیا جائے گا۔
