معروف فیسٹیول لولاپلوزا امریکی کمپنی سے الگ ہونے کے بعد پہلی مرتبہ ایشیا میں منعقد کیا گیا ہے جہاں وہ انڈین شہر ممبئی میں دو روز تک جاری رہے گا۔
مہا لکشمی ریس کورس میں بڑا ہجوم شہر کے مرکز کے قریب جمع تھا جو کووڈ 19 کی وبا سے پہلے معروف بین الاقوامی فنکاروں کے لیے تیزی سے مقبول ٹوور سپاٹ بنتا جا رہا تھا۔
29 سالہ نارائنی آنند کہتی ہیں کہ ’میرے خیال میں یہ انڈیا میں آنے والا پہلا بڑا امریکی تہوار ہے۔‘
’لائیو میوزک کا منظر واقعی بہت بہترین ہے، یہ تقریباً تاریک دنوں کے خاتمے کی علامت ہے۔‘
سٹروک، ڈپلو اور امیجن ڈریگن نے افتتاحی کنسرٹ سے آغاز کیا مگر 30 سالہ بنجال شاہ ان لوگوں میں شامل تھے جو اس میں شرکت نہ کر سکیں۔
انہوں نے اس کی وجہ کچھ یوں بتائی ’لائن اپ کو دیکھتے ہوئے ٹکٹ بہت زیادہ تھے۔ میں اتنا خرچ کرنے کا جواز پیش نہیں کر سکتی تھی۔‘
مزید پڑھ
اس سیکشن میں متعلقہ حوالہ پوائنٹس شامل ہیں (Related Nodes field)
’لائن اپ سے پہلے ہائپ تھی، لیکن لائن اپ واقعی افسوسناک تھا۔ میرے دوست جنہوں نے ابتدائی ٹکٹ خریدے وہ واقعی مایوس تھے۔‘
منتظمین کا کہنا ہے کہ میلے کے دو دنوں میں تقریباً ساٹھ ہزار لوگوں کی شرکت متوقع ہے۔
لولاپلوزا کو 1990 کی دہائی کے اوائل میں جینز ایڈکشن فرنٹ مین پیری فیرل نے متبادل موسیقی کے امریکی عروج کے دوران شروع کیا تھا۔
یہ اصل میں ایک سفری تہوار کے طور پر تصور کیا گیا تھا جو غیر مرکزی دھارے کی موسیقی اور ثقافت کو تلاش کرے گا۔
لالاپالوزا اس تنقید کے بعد بند ہو گیا تھا کہ یہ تہوار تیزی سے کموڈیفائیڈ ہوتا جا رہا ہے لیکن 2005 میں یہ تہوار شکاگو کی سالانہ تقریب کے طور پر دوبارہ ابھرا۔
اس کے بعد سے یہ میلہ لاطینی امریکہ تک پھیلا، جس کے ورژن ارجنٹائن، برازیل اور چلی کے ساتھ ساتھ یورپ میں بھی 2015 کے ایڈیشن کے ساتھ شروع ہوئے۔
