آئی سی سی کرکٹ مینز چیمپیئنز ٹرافی 2025 کل (19 فروری) سے پاکستان کے شہر کراچی میں شروع ہو رہی ہے، جہاں ٹورنامنٹ کا افتتاحی میچ پاکستان اور نیوزی لینڈ کے درمیان کھیلا جائے گا۔

کرکٹ کے اس بین الاقوامی مقابلہ، جس کے کچھ میچ متحدہ عرب امارات (یو اے ای) میں بھی کھیلے جائیں گے، 29 سال بعد پاکستان میں ہو رہا ہے۔   

کراچی کے نیشنل بینک کرکٹ سٹیڈیم میں کھیلے جانے والے چیمپیئنز ٹرافی کے پہلے میچ کی تقریب میں صدر مملکت آصف علی زرداری مہمان خصوصی ہوں گے۔

میچ سے قبل پاکستان ائیر فورس کے زیر اہتمام ’شیر دل شو‘ کا شاندار فضائی مظاہرہ کیا جائے گا۔

نو مارچ تک جاری رہنے والے ان مقابلوں میں دنیا کی آٹھ ٹاپ رینکنگ ٹیمیں حصہ لے رہی ہیں۔ پاکستان ٹرافی کا دفاعی چیمپیئن ہے۔

بورڈ آف کنٹرول فار کرکٹ ان انڈیا (بی سی سی آئی) کے سکیورٹی وجوہات کی بنا پر انڈین کرکٹ ٹیم کو پاکستان بھیجنے سے انکار پر انٹرنیشنل کرکٹ کونسل (آئی سی سی) نے ٹرافی کے میچز پاکستان کے علاوہ نیوٹرل مقام (یو اے ای) پربھی کروانے کا فیصلہ کیا تھا۔ 

چیمپیئنز ٹرافی کے میچوں میں حصہ لینے کے لیے انڈیا کے علاوہ باقی تمام ممالک کی کرکٹ ٹیمیں پاکستان پہنچ چکی ہیں۔

چیمپیئن شپ کے اور اپنے پہلے میچ میں حصہ لینے کے لیے پاکستان کرکٹ ٹیم وکٹ کیپر اور بلے باز محمد رضوان کی کپتانی میں میدان میں اترے گی، جب کہ سپن بولنگ کرنے والے مچل سینٹنر نیوزی لینڈ کی ٹیم کی قیادت کریں گے۔  

چیمپیئنز ٹرافی کی تیاریوں کا جائزہ لینے کی غرض سے چیئرمین کرکٹ بورڈ اور وفاقی وزیر داخلہ محسن نقوی کی صدارت میں منگل کو ایک اجلاس لاہور کے قذافی سٹیڈیم میں ہوا۔

محسن نقوی نے اجلاس سے خطاب میں کہا کہ پاکستان چیمپئنز ٹرافی ٹورنامنٹ کے لیے پوری طرح تیار ہے۔ 

انہوں نے تمام انتظامات کو خوب سے خوب تر بنانے کی ہدایت کی۔ 

محسن نقوی نے کہا کہ تمام ٹیموں کو بین الاقوامی معیار کی سہولتیں فراہم کی جائیں گی۔ ’سٹیڈیمز میں شائقین کرکٹ کے لیے ہر ممکن سہولتیں میسدر ہوں گی۔